މިއަހަރުގެ ޑިސެމްބަރު މަހުގެ 21 ގައި ނެރުމަށް ހަމަޖެހިފައިވާ ޒީރޯގެ ޝޫޓިންއަށް ޝާހު ރުކްޚާން ފުރައިފިއެވެ.
މި ފިލްމުގެ ޝޫޓިންތައް މިހާރު ކުރިއަށްދާއިރު ފިލްމުން ޝާހު ފެނިގެންދާނީ ޑަބަލް ރޯލުން ކަމަށް ބައެއް ފަރާތްތަކުން ބުނެފައިވެއެވެ. އެއީ ކުރު މީހެއްގެ ގޮތުގައިއާއި އާދައިގެ މީހެއްގެ ގޮތަށެވެ. ފިލްމުގެ ޓީޒާ މިއަހަރުގެ ޖެނުއަރީ މަހުގެ ތެރޭގައި ނެރެފައިވާއިރު ޓީޒާއަށް ވަނީ ބެލުންތެރިންގެ ބޮޑު ތަރުހީބެއް ލިބިފައެވެ.
މި ފިލްމަކީ އިންޑިއަން ކޮމެޑީ ފިލްމެކެވެ. މި ފިލްމުގެ ސްކްރީން ޕްލޭ ލިޔެފައި ވަނީ ހިމަންޝޫ ޝަރްމާއެވެ. ޒީރޯ ޑައިރެކްޓް ކުރީ އަނަންދް އެލް ރާއިއެވެ. އެ ފިލްމުގައި އޭނާއާއި އެކު ފެނިގެން ދާނީ ކެޓްރީނާ ކައިފް އާއި އަނުޝްކާ ޝަރުމާއެވެ. މިއީ 2012 ވަނަ އަހަރުގައި ނެރުނު ޖަބްޓަކް ހޭ ޖާންއަށް ފަހު މި ތިން ކާސްޓުން އެކީގައި ފެންނާނެ ފުރަތަމަ ފިލްމެވެ. ޒީރޯގައި ސްޕެޝަލް އެޕިއަރެންސްގެ ގޮތުގައި ފެނިގެންދާނީ ސަލްމާން ޚާން ، ދީޕިކާ ޕަދުކޯން، ރާނީ މުކްރަޖީ، ކާޖޮލް، އާލިއާ ބަޓް، ސްރިދޭވީ، ކަރިޝްމާ ކަޕޫރު އަދި ޖޫހީ ޗަވްލާއެވެ.
