އެމެރިކާގެ ރައީސް ޑޮނަލްޑް ޓްރަމްޕްގެ އަނބިކަނބަލުން މެލާނިއާ ޓްރަމްޕް ކިޑްނީގެ އޮޕަރޭޝަނެއް ކުރައްވައިފިއެވެ.

މި އޮޕަރޭޝަން ކާމިޔާބު ކަމަށް އެކަމަނާގެ އޮފީހުން ހޯމަ ދުވަހު ނެރުނު ބަޔާނެއްގައި ވަނީ ބުނެފައެވެ. މި އޮޕަރޭޝަންގައި އެކަމަނާގެ ކިޑްނީއިން ވަނީ ކުޑަ ސިސްޓެއް ނަގައިފައެވެ. މި އޮޕަރޭޝަން ކުރެވުނީ، ވޮޝިންޓަންގެ ވޯލްޓަރ ރީޑް މެޑިކަލް ސެންޓަރުގައެވެ.

އޮޕަރޭޝަނަށް ފަހު އެކަމަނާގެ ހާލު ރަނގަޅުކަމަށްވެސް އެކަމަނާގެ އޮފީހުން ވަނީ ހާމަކޮށްފައެވެ.

އެކަމަނާގެ އޮފީހުން ހާމަކުރި ގޮތުގައި އޮޕަރޭޝަންއަށްފަހު މަދުވެގެން ހަފްތާއެއްހާ ދުވަހު ހޮސްޕިޓަލްގައި މެލަނިއާ އޮންނަވަން ޖެހިވަޑައިގަންނަވާނެއެވެ. މެލާނިއާ އޮޕަރޭޝަން ހިނގި ވަގުތު ޓްރަމްޕް ހޮސްޕިޓަލަށް ވަޑައިގަންނަވާފައެއް ނުވެއެވެ. އެހެންނަމަވެސް ޓްރަމްޕް ހޯމަދުވަހު އެކަމަނާގެ އަރިހަށް ޒިޔާރަތް ކުރައްވާނެއެވެ.

އުމުރުފުޅުން 48 އަހަރުގެ މެލަނިއާ އަކީ، އެމެރިކާގެ 40 ވަަނަ ރައީސް ރޮނަލްޑް ޜޭގަންގެ އަނބިކަނބަލުން ނޭންސީ ރޭގަންއަށް ފަހު މިފަދަ އޮޕަރޭޝަންއެއް ކުރައްވަން ޖެހިވަޑައިގެންނެވި ފުރަތަމަ ފަސްޓްލޭޑީއެވެ. އެއީ 1987 ވަނަ އަހަރުއެެވެ.