ގާނުނީ ވަކީލުން ދައްކާ ވާހަކަތަކަށް ވުރެ ބޮޑަށް ކޯޓުން އަމިއްލައަށް ކުރާ ކަންތައްތަކުން ނިކުންނަ ނަތީޖާއާމެދު ވިސްނުމަށް ކުރީގެ ބަނޑާރަ ނައިބު އަދި ފުންނާބުއުސް ގާނޫނީ ވަކީލު ހުސްނުއްސުއޫދު ގޮވާލައްވައިފިއެވެ.
ކްރިމިނަލް ކޯޓަށް ނިސްބަތްކޮށް، ސުއޫދު ކްރެއްވި ޓްވީޓެއްގައި އެގޮތަށް ގޮވާލެއްވީ އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދު އެއް އަހަރާއި ހަތް މަހާއި ހަ ދުވަހަށް ޖަލަށްލުމަށް ހުކުމް ކުރުމުން ގާނޫނީ ވަކީލު ހިސާން ހުސައިން ރާއްޖެޓީވީއަށް ދެއްވި އިއްޓަވިއުއަކާ ގުޅިގެން ކްރިމިނަލް ކޯޓަށް ހާޒިރުވާން އެންގުމާ ގުޅިގެންނެވެ.
ކްރިމިނަލް ކޯޓުން ކުރާ ހުރިހާ ކަމަކީ ރަނގަޅު ކަންތައްތަކަށް ނުވެދާނެ ކަމަށެވެ. އަދި ކްރިމިނަލް ކޯޓުގެ ކުރީގެ އިސް ގާޒީން ކަމަށްވާ އަބްދުﷲ މުހައްމަދާއި (އަބްދުﷲ ގާޒީ) އަބްދުލްބާރީ ޔޫސުފްގެ އިތުރުން އުއްތަމަ ފަނޑިޔާރު އަބްދުﷲ ސައީދާއި ސުޕްރީމް ކޯޓުގެ ފަނޑިޔާރު އަލީ ހަމީދަށް މިހާރު ދިމާވެފައިވާ ކަންކަމުން ތަޖުރިބާ ލިބިގަނެ، ވަގުތު ފާއިތު ނުވަނީސް ފިލާވަޅު ލިބިގަންނަންޖެހޭ ކަމަށް ސުއޫދު ވަނީ ގޮވާލައްވާފަ އެވެ.
Dear Criminal Court,
— Husnu Al Suood (@hsuood) May 13, 2018
Don't be too sensitive to what lawyers say, but be more sensitive to the impact of what you do. What you do may not necessarily be right.
Its not too late to learn from the recent experiences of your former bosses - Abdulla Gazi, Bari, Ali Hameed & Saeed. https://t.co/0DN8J5Cttu
ދައުލަތުގެ އިސް ބޭފުޅުންތަކެއްގެ މައްޗަށް ކްރިމިނަލް ކޯޓުގައި މިހާރު ކުރިއަށްދާ ޝަރީއަތްތަކާއި ގުޅިގެން މީގެ ކުރިން ވެސް މީޑިއާތަކުގައި ދެއްކެވި ވާހަކަތަކަކައި ގުޅިގެން ހިސާން ކްރިމިނަލް ކޯޓަށް ހާޒިރުކޮށްފައިވެއެވެ.
ހިސާން ކްރިމިނަލް ކޯޓަށް ހާޒިރުވުމަށް އަންގާފައިވާތީ އެކަމާ ގުޅިގެން ސުއޫދު ކަންބޮޑުވުން ފާޅުކުރައްވާފައިވާއިރު، ސުއޫދު ހުންނެވީ ހަމަ މިފަދަ މައްސަލައެއްގައި ކްރިމިނަލް ކޯޓުން ސަސްޕެންޑް ކުރައްވާފަ އެވެ.
ހިސާންގެ އިތުރުން ވެސް އެހެން ބައެއް ވަކީލުން ވެސް ކްރިމިނަލް ކޯޓަށް މީގެ ކުރިން ހާޒިރުކޮށްފައި ވެއެވެ.
