އުތުރު ކޮރެއާގެ ރައީސް ކިމް ޖޮން އުން އާއި އެމެރިކާގެ ރައީސް ޑޮނަލްޑް ޓްރަމްގެ ބައްދަލުވުން ޖޫން މަހުގެ 12 ވަނަ ދުވަހު ސިންގަޕޫރުގައި ބާއްވާ ގޮތައް ހަމަޖެހިފައިވާ ކަމަށް އެމެރިކާގެ ރައީސް ވިދާޅުވެއްޖެއެވެ.
ޓްރަމްޕް މިކަން ބުރާސްފަތި ދުވަހު ހާމަ ކުރެއްވީ، މީގެ ކުރިންވެސް މިފަދަ މުހިންމު ވާހަކަފުޅުތައް ހާމަ ކުރައްވާ ގޮތައް އެމަނިކުފާނުގެ ޓްވިޓަރ އެކައުންޓުންނެވެ.
The highly anticipated meeting between Kim Jong Un and myself will take place in Singapore on June 12th. We will both try to make it a very special moment for World Peace!
— Donald J. Trump (@realDonaldTrump) May 10, 2018
ޓްރަމްޕްގެ ޓްވީޓްގައި އިތުރަށް ވިދާޅުވެފައިވަނީ، މި ބައްދަލުވުމަކީ ދުނިޔޭގެ ސުލްހަ އަށް ވަރަށް ޚާއްސަ ބައްދަލުވުމަކަށް ހެއްދެވުމަށް އެ ދެބޭފުޅުން މަސައްކަތް ކުރައްވާނެ ކަމަށެވެ.
އުތުރު ކޮރެއާގެ ރައީސް އާއި އެމެރިކާގެ ރައީސް ބައްދަލުކުރެއްވާނެ ތަނާއި ތާރީޚް ހާމަ ވެގެން ދިޔަ އިރު އޭގެ ދެ ދެދުވަހެއް ކުރިން އެމެރިކާގެ ޚާރިޖީ ވަޒީރު ވަނީ އުތުރު ކޮރެއާ އަށް ޒިޔާރަތް ކުރައްވާ ދެ ރައީސުންގެ ބައްދަލު ކުރެއްވުމުގެ ޕްލޭންތަކާ ބެހޭ ގޮތުން އުތުރު ކޮރެއާގެ ރައީސް އާ މަޝްވަރާ ކުރައްވާފައެވެ. އަދި ޚާރިޖީ ވަޒީރުގެ މި ދަތުރުފުޅު ނިންމަވާލެއް ވުމަށް ފަހު އެނބުރި އެމެރިކާ އަށް ވަޑައިގެންނެވި އިރު އުތުރު ކޮރެއާގައި ހައްޔަރު ކޮށްފައި ތިބި އެމެރިކާ ތިން އަސީރުންވެސް ގެންނެވިއެވެ.
