މެލޭޝިއާގެ އާންމު އިންތިހާބުގައި ޑރ. މަހާތިރު މުހައްމަދު ހޯއްދެވި ކާމިޔާބާއެކު ރައީސް ޔާމީންގެ ރަހްމަތްތެރިންގެ ގޮތުގައި ތިއްބެވި ކޮރަޕްޓް ވެރިންގެ ވެރިކަން ނިމިއްޖެ ކަމަށް ރާއްޖޭގެ ކުރީގެ ނައިބް ރައީސް ޑރ. މުހައްމަދު ޖަމީލް އަހްމަދު ވިދާޅުވެއްޖެ އެވެ.
މެލޭޝިޔާގެ އިދިކޮޅު ފަރާތްތަކަށް މަރުހަބާ ދަންނަވާ ޑރ ޖަމީލު ކުރެއްވި ޓްވީޓުތަކެއްތަކެއްގައި ވިދާޅުވީ މެލޭޝިއާގެ އިންތިހާބުގައި ނާކާމިޔާބީއާ ކުރިމަތިވެވަޑައިގެންނެވި އެގައުމުގެ ބޮޑުވަޒީރު ނަޖީބް ރައްޒާގު ގޮތަށް ރާއްޖޭގެ ބައިތުލް މާލަށް ތާރީހީ ގެއްލުމެއް ރައީސް ޔާމީން ދީފައިވާ ކަމަށެވެ. އެހެންކަމުން މިހާރު މިފެންނަނީ ﷲގެ އިރާދަފުޅާއެކު ރައީސް ޔާމިންގެ ވެރިކަން ނިމޭނެ ކަމުގެ ހެކި ކަމަށް ޑރ ޖަމީލު ވިދާޅުވިއެވެ.
Malaysia gai PM Mahathir adhi oppositionun hoadhi kaamiyaabaai eku Yameen ge rahmahtherin gothugai thibi corrupt hurihaa veringe verikan nimunee. Najeeb gothah Raajjeyge baithul maalah thaareekhee gehllun Yameen vanee dheefai. Mi verikanves IA nimeynekamuge heki mifennanee.
— Mohamed Jameel Ahmed (@MJameelAhmed) May 10, 2018
މިސަރުކާރުގެ ފުރަތަމަ ނައިބް ރައީސްކަން ވެސް ކުރައްވާފައިވާ ޑރ ޖަމީލު ވިދާޅުވީ މެލޭޝިޔާގެ އިންތިހާބުން ހުދުމުހުތާރުވެރިން ތިބި މުސްލިމު ގައުމުތަކަށް މެސެޖެއް ލިބޭ ކަމަށެވެ. ނަމަވެސް އަމިއްލަ އެދުން އިސްކޮށް، ކޮރަޕްޓްވެފައި ތިބި ބަޔަކަށް ނުވިސްނޭ ކަމަށް ވެސް ޑރ ޖަމީލު ވިދާޅުވިއެވެ. އަދި ވިދާޅުވީ ވެރިކަމުގެ ބާރު އަބަދުވެސް އޮންނާނީ ރައްޔިތުންގެ އަތުގައި ކަމަށާއި، ވެރިކަން އަންނަނީ ވެސް އަދި ދެމި އޮންނަނީ ވެސް ރައްޔިތުންގެ ފަރާތުން ކަމަށެވެ.
Congratulations PM @chedetofficial & Malaysian opposition for your historic win over Najib. This should send a strong message to all Muslim nations including #Maldives that are besieged by corrupt & greedy rulers. Again proves that power comes from & belongs to people.
— Mohamed Jameel Ahmed (@MJameelAhmed) May 10, 2018
މެލޭޝިއާގެ އިންތިހާބުގައި ނަޖީބަށް ކުރިމަތިވެވަޑައިގެންނެވި ނާކާމިޔާބީއަކީ މިއަހަރު ބާއްވާ ރިޔާސީ އިންތިހާބުގައި ރައީސް ޔާމީން ވާދަކުރައްވައިފިނަމަ ލިބިވަޑައިގަންނަވާނެ ނަތީޖާ ކަމަށް ސިޔާސީ ބޭފުޅުން ގެންދަވަނީ ވިދާޅުވަމުންނެވެ.
