ރާއްޖޭގައި މިނިވަން އިންސާފުވެރި އިންތިޚާބެއް ބޭއްވިދާނެކަމާއިމެދު އެމެރިކާއިން ރާއްޖެއަށާއި ލަންކާއަށް ކަނޑައަޅާފައި ހުންނަވާ ސަފީރު އަތުލް ކެޝަޕް ސުވާލު އުފައްދަވައިފިއެވެ.
އަންގާރަ ދުވަހުގެ ރޭ ކެޝަޕް ކުރެއްވި ޓްވީޓެއްގައި ވަނީ ރާއްޖޭގެ ސިޔާސީ ހާލަތު އެންމެ ޓުވީޓަކުން ތަފްޞީލްކޮށްދެއްވާފައެވެ. އެގޮތުން ޤާނޫނު އަސާސީއިން ލިބިދީފަިއވާ ހައްޤުތަކާއި ޒިންމާތައް އަދާކޮށްގެން މިހާރުވެސް ކުރީގެ ރައީސަކާއި، ސުޕްރީމް ކޯޓުގެ އުއްތަމަފަނޑިޔާރަކާއި، ނައިބު ރައީސަކާއި، އިންތިޚާބުވެފައިވާ ރައްޔިތުންގެ މަޖިލީހުގެ މެމްބަރުންތަކަކާއި، ސިޔާސީ ޕާޓީއެއްގެ ލީޑަރެއް ޖަލަށް ލާފައިވާކަން އޭނާ ފާހަގަކުރެއްވިއެވެ.
Now jailed in #Maldives for asserting their Constitutional rights are one former President (and one more in exile), a Supreme Court chief justice, a Vice President, several elected Members of Parliament, & a party leader. How will free&fair elections happen under such conditions?
— Atul Keshap (@USAmbKeshap) May 8, 2018
މިކަންކަން ފާހަގަކުރައްވައި ސަފީރު އަތުލް ކެޝަޕް ވަނީ މި ޙާލަތުގައި ރާއްޖޭގައި މިނިވަން އިންސާފުވެރި އިންތިޚާބެއް ބާއްވާނީ ކިހިނެއްތޯ ސުވާލު އުފައްދަވާފައެވެ.
ކެޝަޕްއަކީ ސަރުކާރުން ޤާނޫނާއި ޚިލާފަށް ކުރާ ކަންތައްތަކަށް ވަރަށް ބޮޑަށް ފާޑުވިދާޅުވާ، އަދި ރާއްޖޭގެ މަސްރަހު ވަރަށް ގާތުން ބައްލަވަމުން ގެންދަވާ ބޭފުޅެކެވެ.
