ފަނޑިޔާރުންގެ މައްސަލާގައި ކޯޓުތަކުގެ އުސޫލުތަކާއި ހިލާފަށް ކަންތައްކުރާކަމުގެ ޝަކުވާ ވަރަށް ގިނައިން ލިބުނު ކަމަށް އިނގިރޭސިވިލާތުން ރާއްޖެއަށް ކަނޑައަޅުއްވާފައި ހުންނަވާ ސަފީރު ޖޭމްސް ޑޯރިސް ވިދާޅުވެއްޖެއެވެ.
ސަފީރު ޖޭމްސް ޑޯރިސް ދިވެހިރާއްޖެއަށް ކުރެއްވި ދަތުރުފުޅު ނިންމަވާލެއްވުމަށްފަހު ކުރުއްވި ޓުވީޓެއްގައި ވިދާޅުވެފައިވަނީ މިނިވަން، ވަކި ފަރާތަކަށް ނުޖެހޭ ޝަރުއީ ނިޒާމެއް ކޮންމެ ގައުމަކަށް ވެސް ބޭނުންވާ ކަމަށެވެ. އަދި ރާއްޖޭގެ ސުޕްރީމް ކޯޓްގެ ފަނޑިޔާރުންނާއި ސިޔާސީ ބޭފުޅުންގެ ޝަރީއަތްތައް ކުރިއަށް ގެންދިއުމުގައި އިޖުރާއަތްތަކާއި ކޯޓްގެ އުސޫލްތަކާ ހިލާފަށް އަމަލުރާކަމުގެ ޝަކުވާ ވަރަށް ގިނަ ފަރާތްތަކުން ލިބިފައިވާ ކަމަށް ވެސް ސަފީރު ވިދާޅުވި އެވެ.
Leaving #Maldives having heard about so many people's concerns that court rules and procedures are being ignored in the on-going trials of senior judges and political leaders.
— James Dauris (@JamesDauris) May 7, 2018
Citizens in every country need the courts to act as independent and impartial checks on power.
ޖޭމްސް ޑޯރިސްގެ ދަތުރުފުޅުގައި ރާއްޖޭގެ ފޮރިން ސެކެޓްރީ އަހުމަދު ސަރީރު އާއި ގުޅިފައިވާ ސިޔާސީ ޕާޓީތަކުގެ އޮފިޝަލުންނާއި ވަނީ ބައްދަލުކުރައްވާފައެވެ.
ޖޭމްސް ޑޯރިސް އޭޕްރިލް މަހު ކުރެއްވި ޓުވީޓެއްގައިވެސް ވަނީ ޝަރުއީ ދާއިރާއަށާއި، ހިނގަމުންދާ ޝަރީޢަތްތަކަށް ސިޔާސީ ފަރާތްތަކުން ނުފޫޒު ނުފޯރުވުމަށް ގޮވާލައްވާފައެވެ. އަދިއެކަން އެގޮތަށް ކުރަންޖެހެނީ އެންމެހާ ދިވެހި ރައްޔިތުންގެ ޙައްޤުގައި ކަމަށްވެސް އޭނާ ވިދާޅުވިއެވެ.
މި ޓްވީޓްގައި ޑޯރިސް އިތުރަށް ވިދާޅުވީ، ސުޕްރީމް ކޯޓުގެ ފަނޑިޔާރުންނާއި، ސިޔާސީ އެކި ފަރަތްތަކާއި، އެހެންވެސް ފަރާތްތައް ހައްޔަރުކޮށް ޖަލަށްލައި، އެފަރާތްތަކުގެ މައްޗަށް ދައުވާ ކުރަމުންދާއިރު، މި ދަނޑިވަޅުގައި ޤައިދީންގެ ޙައްޤުތަކަށް އިޚުތިރާމުކޮށް، އެ ޙައްޤުތައް ކަށަވަރުކޮށްދިނުމަކީ މުހިއްމު ކަމެއް ކަމަށް ދެކިލައްވާ ކަމަށެވެ.
