ގާޒާގެ ސަރަހައްދީ ރޮނގު ކައިރީގައި އިސްރާއިލްގެ ސިފައިން ފަލަސްތީނުގެ ދެ މީހަކަށް ހަމަލާދީ އެކަކު މަރާލައިފިއެވެ.
އާދީއްތަ ދުވަހު ދިން މި ހަމަލާގައި އެކަކު ވަނީ ހައްޔަރުކޮށްފައެވެ. އިސްރާއީލްގެ ސިފައިން ބުނީ އެމީހުން އުޅުނީ އިސްރާއިލްގެ ތެރެއަށް ވަދެގަންނަން ކަމަށް ތުހުމަތުކުރެވޭ ކަމަށެވެ.
"ތުހުމަތު ކުރެވޭ ދެމީހުން އިޒްރާއީލަށް ވަންނަން އުޅުނީ ދެކުނު ގަޒާގެ ބޯޑަރ އާއި ދިމާލުން، ސެކުރިޓީ ފެންސް (ބޯޑަރ) ހަލާކު ކޮއްލައިގެން. އެކަމަށް ރައްދު ދިނުމުގެ ގޮތުން އައި.ޑީ.އެފް (ސިފައިން) ވާނީ އެމީހުންނާއި ދިމާލަށް ބަޑިޖަހައިފަ. މި ހަމަލާގައިތުހުމަތު ކުރެވޭ އެކަކު މަރުވެ އަނެކަކަށް ވަނީ އަނިޔާލިބިފައި، އޭނަޔާ އިތުރު ސުވާލު ކުރުމަށްޓަކައި ވަނީ ސެކިއުރިޓީ އިދާރާތަކާއި ހަވާލް ކުރެވިފައި،" ސިފައިން ކުރި ޓްވީޓްގައި ވެއެވެ.
މި ހަމަލާ ދީފައި ވަނީ ފަލަސްތީނުން ގްރޭޓް މާރޗް އޮފް ރިޓާންގެ ނަމުގައި ހުއްޓުމެއް ނެތި މުޒާހަރާ ކުރަމުންދާތާ 5 ވަނަ ހަފްތާގައެވެ.
