މަޝްހޫރު ރިއަލިޓީ ޝޯ ކީޕިންއަޕްވިތު ކާޑޭޝިއަންސްގެ ތަރި އަދި ކާޑޭޝިއަން އާއިލާގެ އެންމެ ދޮށީ ދަރިފުޅު ކޯޓްނީ ކާޑޭޝިއަންސްއަށް 39 އަހަރު ފުރުން ފާހަގަކޮށްފައި ވަނީ އެޕްރީލް މަހުގެ 19 ވަނަ ދުވަހުގައެވެ.

ކޯޓްނީގެ އުފަން ދުވަސް ފާހަގަ ކުރުމަށް އޭނާގެ އާއިލާއާއި ގާތްރައްޓެހިން ވަނީ ބައިވެރިވެފައެވެ.

ކޯޓްނީގެ މަންމަ ކްރިސް ޖެނާ ވަނީ އޭނާގެ އުފަންދުވަހުގައި ސްޕީޗެއް ދީފައެވެ. އާއިލާއާއި ރައްޓެހިންގެ ކުރިމަތީގައި އެ ސްޕީޗަށް ކާޑޭޝިއަން އާއިލާއަށް ތާއީދު ކުރާ އެކިފަރާތްތަކުން ދަނީ ތައުރީފު ކުރަމުންނެވެ.

ފަސްދޮޅަސް ދެއަހަރުގެ ކްރިސް ދިން ސްޕީޗުގައި ބުނެފައިވަނީ އޭނާއަށް މަންމައަކަށްވާ ދަސްކޮށްދިނީ ކޯޓްނީ ކަމަށެވެ. ލޯބިވާން ދަސްކޮށްދިނީ އޭނާ ކަމަށާއި އޭނާއަކީ ކްރިސްގެ ފުރަތަމަ ދަރިއަށްވުމުން މައިވަންތަކަމުގެ ލޯތްބަކީ ކޯއްޗެއްކަން އޭނާއަށް ދަސްކޮށްދިނީ ކޯޓްނީ ކަމަށް ކްރިސް ބުންޏެވެ. ދުނިޔޭގެ ހުރިހާ އެއްޗިއްސަށް ވުރެ ކޯޓްނީ ދެކެ ލޯބިވާ ކަމަށާއި އޭނާ ލޯބިވާވަރު ކޯޓްނީއަށް ވަޒަން ނުކުރެވޭނެ ކަމަށް ކްރިސް ބުންޏެވެ.

" ކޯޓްނީދެކެ ލޯބިވާވަރު . ވަރަށް ލޯބިވޭ. ކޯޓްނީގެ ހުރިހާކަމެއް ބަލައިގަންނަން. ތީ މިހާތަނަށް އަހަރެންގެ ހަޔާތަށް އައި އެންމެ ބޮޑު ބްލެސިން. އަދި އަހަރެން ކޯޓްނީއަށް ޝުކުރު އަދާކުރަން." ކްރިސްގެ ސްޕީޗްގައި ބުނެފައިވެއެވެ.

އުމުރުން 39 އަހަރުގެ ކޯޓްނީ އަށް ވަނީ އޭނާގެ ކުރީގެ ލޯބިވެރިޔާ އަށް 3 ދަރިން ލިބިފައެވެ. އެއީ 7 އަހަރުގެ މޭސަން، 5 އަހަރުގެ ޕެނެލޮޕީ އަދި 2 އަހަރުގެ ރެއިންއެވެ.

ކީޕިންއަޕް ވިތު ކާޑޭޝިއަން ރިލީޒް ކޮށްފައިވަނީ 2007 ވަނަ އަހަރުގައެވެ. އޭގެ ފަހުން އެ ޝޯ ދަނީ މެދުކެނޑުމެއްނެތި ގެނެސްދެމުންނެވެ.