އީރާނުގެ ނިއުކްލިއަރ ޕްރޮގްރާގެ މައްސަލައިގައި އެގައުމާއިއެކު ވެފައިވާ އެއްބަސްވުމުގައި ދެމި ހުންނެވުމަށް އެމެރިކާގެ ރައީސް ޑޮނަލްޑް  ޓްރަމްޕްގެ އަރިހުގައި ފަރަންސޭސި ރައިސް އެމަނުއެލް މެކްރޮން އެދިވަޑައިގެންފިއެވެ.

މެކްރޮން ވިދާޅުވީ އެ މައްސަލައިގައި އެއްވުރެ މޮޅު އެހެން ގޮތެއް ނެތްކަމަށެވެ. ޓްރަމްޕް މިވާހަކަ ދައްކަވާފައިވަނީ ހޯމަ ދުވަހު އެމެރިކާއަށް ފަށްޓަވާ ތިން ދުވަހުގެ ރަސްމީ ދަތުރުފުޅުގެ ކުރިން ފޮކްސް ނިއުސްއާ ވާހަކަދައްކަވަމުންނެވެ.

ރައީސް ޓްރަމްޕްވަނީ އެ އެއްބަސްވުން ދޫކޮށްލައްވަފާނެކަމުގެ އިންޒާރު ދެެއްވާފައެވެ. އީރާނާއިއެކު ދުނިޔޭގެ ބާރުތަކުންވެފައިވާ އެއްބަސްވުމުގެ ދަށުން އީރާނަށް އަޅާފައިވާ ދަތިކުރުމުގެ ފިޔަވަޅުތަކުގައި އެ ގައުމަށް ލުއި ލިބިގެންދާއިރު އެ ގައުމުގެ ނިއުކްލިއަރ ޕްރޮގްރާމް ކޮންޓްރޯލް ކުރަންޖެހެއެވެ.

އީރާނަށް ދަތިކުުރުމުގެ ފިޔަވަޅުތައް އަލުން އަޅާނީތޯ ކަނޑައެޅުމަށް ރައީސް ޓްރަމްޕްއަށް މެއި މަހުގެ 12ވަނަ ދުވަހާއި ހަމައަށް ފުރުސަތު ލިބިވަޑައިގަންނަވާނެއެވެ.

މުރާސިލުން ބުނާގޮތުގައި އެފަދަ ފިޔަވަޅެއް ވެގެންދާނީ އީރާނާއިއެކު ހުޅަނގުގެ މައި ހަ ބާރުން ވެފައިވާ އެއްބަސްވުން އުވާލެވުމަށެވެ.

އެމެރިކާގެ ރައީސްއާއި ފްރާންސްގެ ރައީސް މި ހަފަތާގައި ބާއްވަވާ ބައްދަލުވުމުގައި މި މައްސަލައި މަޝްވަރާކުރައްވާނެއެވެ.

ރައީސް ބަރަކް އޮބާމާގެ ވެރިކަމުގައި އެެމެރިކާއާއި، ރަޝިއާ، ޗައިނާ، ފްރާންސް ، އިނގިރޭސިވިލާތް،އަދި ޖަރުމަނު ވިިލާތުން އީރާނާއިއެކުވީ ނިއުކްލިއަރ އެއްބަސްވުން ގާއިމް ކުރީ 2015 ވަނަ އަހަރުއެވެ.