ކަރަން ޖޯހަރުގެ ކުރިއަށް އޮތް ފިލްމުގެ ކަލަންކްގެ ކާސްޓުން އަންގާރަ ދުވަހު ވަނީ އިއުލާން ކޮށްފައެވެ.

ކަލަންކްގައި ހަރަކާތްތެރިވާ ތަރިންގެ ތެރޭގައި މަދޫރީ ޑިކްސިޓް، ސޮނާކްޝީ ސިންހާ، އާލިއާ ބަޓް، ވަރުން ދަވަން، ސަންޖޭ ދަތު އަދި އަދިތްޔަ ރޯއީ ކަޕޫރް ހިމެނެއެވެ. މި ފިލްމު ރިލީޒްކުރާނެ ކަމަށް ކަރަން އިއުލާން ކޮށްފައިވަނީ އަންނަ އަހަރުގެ އެޕްރީލް 19 އަށެވެ. މިފިލްމު ޑައިރެކްޓް ކުރާނީ އަބީޝެކް ވަރްމާ އެވެ.

އެޓުވީޓުގައި ކަރަން ބުނީ އޭނާގެ އެޕިކް ޑްރާމާ ފިލްމުގެ ކާސްޓު އިއުލާން މިކުރަނީ ވަރަށް ފަހަރުވެރިކަމާއެކުގައި ކަމަށެވެ.

ކަލަންކް އަކީ މީގެ ފަނަރަވަރަކަށް އަހަރު ކުރިން ކަރަންގެ ޕްލޭންކޮށްފައިވާ ފިލްމެކެވެ.

މިފިލްމާއި ބެހޭގޮތުން ކަރަން ބުނީ މިފިލްމުގެ ޕްރީ ޕްރޮޑަކްޝަން ހެދީ އޭނާގެ ޚިޔާލަށް އޭނާގެ ބައްޕަ ކަމަށެވެ. އަދި މި ފިލްމުގެ ޑައިރެކްޝަން އަބީޝެކް ވަރުމާ ފަދަ ޑައިރެކްޓަރަކާއި ހަވާލުކުރުން އެއީ ހިތްހަމަޖެހޭކަމެއް ކަމަށެވެ. މި ފިލްމުގެ ސްކްރީންޕްލޭވެސް ލިޔުނީ އަބީޝެކް ވަރްމާއެވެ.

ކަރަންގެ ޚިޔާލީ ވާހަކަ ލިޔެފައިވަނީ ވާހަކަ ލިޔުންތެރިޔާ ޝިބާނީ ބަތީޖާއެވެ.

މަޝްހޫރު ފިލްމް ކްރިޓިކް ތަރަން އަދާޝް ކޮށްފައިވާ ޓްވީޓެއްގައި ބުނެފައިވަނީ ކަލަންކްއަކީ ދަރްމާ ޕްރޮޑަކްޝަން އާއި ނަޑިއަވާލާ ގްރޭންޑްސަން އެންޓަޓެއިންމަންޓް އިން ގުޅިގެން ގެނެސްދޭ ފިލްމެއް ކަމަށެވެ.

އަދި މިއީ ކަރަންއާއި އޭނާގެ ބައްޕަ ޔަޝް ޖީހަރު މީގެ 15 އަހަރު ކުރިން ޕްލޭންކޮށްފައިވާ ފިލްމެއް ކަމަށާއި މިފިލްމުގައި ކިޔައިދޭނީ 1940 ވަނަ އަހަރުގެ ކުރީގެ ވާހަކަތައް ކަމަށެވެ.

އެޕްރީލް 18 ވަނަ ދުވަހު މި ފިލްމުގެ މަސައްކަތް ފަށާނެ ކަމަށްވެސް އޭނާ ވަނީ ބުނެފައެވެ.