އައިޝްވަރިޔާ ރާއީ އާއި އަނިލް ކަޕޫރާއި ރާޖްކުމާރު ރާއީ ލީޑު ރޯލުން ފެނިގެންދާ ފިލްމު ފަންނޭ ޚާން އެޅުވުން ލަސްކޮށްފިއެވެ.

މި ފިލްމު ކުރިން އަޅުވަން ނިންމާފައިވަނީ ޖޫން މަހުގެ 15 ވަނަ ދުވަހުގައެވެ. އެހެން ނަމަވެސް ފިލްމު ރިލީޒްކުރުމަށް ފަސްކޮށްފައިވަނީ ޖުލައި މަހުގެ 13 ވަނަ ދުވަހަށެވެ.

މި ފިލްމު އެޅުވުން ފަސްކުރީ ޖޫން މަހުގެ 15 ވަނަ ދުވަހުގައި ސަލްމާން ޚާންގެ ރޭސް3 އަޅުވަން ހަމަޖެހިފައިވާތީއެވެ. 

ރޭސް3 ގައިވެސް އަދި ފަންނޭ ޚާންގައިވެސް އަނިލް ކަޕޫރު އެކީގައި ފެނިގެންދެއެވެ، މި ފިލްމުގައި އައިޝްވަރިޔާ ފެނިގެންދާނީ ޑަބަލް ރޯލުންނެވެ.

ފަންނޭ ޚާންގެ ޑައިރެކްޓަރަކީ އޯމްޕަރަކާޝް މެހެރާއެވެ. ފިލްމަށް ކޮސްޓިއުމް ޑިޒައިން ކުރަނީ މަނީޝް މަލޯތުރާއެވެ. ފަންނޭ ޚާން އަކީ މިއުޒިކަލް ކޮމެޑީ ފިލްމެކެވެ.