ބީއެމްއެލްގެ ނަމުގައި ކަސްޓަމަރުންނަށް ފޮނުވާ މެސެޖަކުން އެމީހުންގެ އޮންލައިން ބޭންކިންގ އެކައުންޓްތަކުގެ މައުލޫމާތު ހޯދަމުންދާތީ ސަމާލުވުމަށް އެ ބޭންކުން ބުނެފި އެވެ.
ބީއެމްއެލް އިން ބުނީ އީމެއިލްގެ ޒަރިއްޔާ އިން ކަސްޓަމަރުންގެ އިންޓަރނެޓް ބޭންކިން އެކައުންޓްތަކުގެ މައުލޫމާތުތައް ސާފުކުރުމުންދާ ކަމުގެ މައުލޫމާތު އެ ކުންފުނީގެ ސަމާލުކަމަށް އައިސްފައިވާ ކަމަށެވެ. އެ ކުންފުނިން އެފަދަ އެއްވެސް އީމެއިލް އެއް ކަސްޓަމަރުންނަށް ފޮނުވާފައިނުވާނެ ކަމަށާއި އެފަދަ އެއްވެސް އީމެއިލް އަކަށް ސަމާލުނުވުމަށް އެކުންފުނިން ބުނެ އެވެ. އީމެއިލްގެ ޒަރިއްޔާއިން ކަސްޓަރަމުންގެ އަމިއްލަ މައުލޫމާތު ހޯދުމަށް ބީއެމްއެލް އިން މަސައްކަތް ނުކުރާނެ ކަމަށާއި އިންޓަރނެޓް ބޭންކިންގގެ ހިދުމަތް ހޯދުމަށް އެ ކުންފުނީގެ ރަސްމީ ވެބްސައިޓް ބޭނުން ކުރުމަށް ވަނީ އެދިފަ އެވެ. އެގޮތުން އެ ބޭންކްގެ އޮންލައިންގެ ހިދުމަތްތައް ބޭނުން ކުރުމަށް www.bankofmaldives.com.mv މި ލިންކް ބޭނުން ކޮށްގެން ވެބްސައިޓަށް ވަނުމަށް އެދެއެވެ.
އެފަދަ އެއްވެސް އީމެއިލަކަށް ރިޕްލައި ކުރެވިއްޖެ ނަމަ އެކަން ލަސްނުކޮށް ބީއެމްއެލްއަށް އެންގުމަށް ވެސް އެ ކުންފުނިން ވަނީ އެދިފަ އެވެ.
ބީއެމްއެލް އިން އަންނަނީ އޮންލައިންކޮށް ގިނަ ހިދުމަތްތަކެއް ފޯރު ކޮށްދެމުންނެވެ.
