ކިމް ކާޑޭޝިއަންއަށް ތިންވަނަ ދަރިއަކު ލިބިފައިވާކަން އިއުލާން ކޮށްފައިވަނީ މިމަހުގެ 15 ވަނަ ދުވަހުގައެވެ.
ކިމް އަށް ތިން ވަނަ ދަރި ލިބުމާއިއެކު އޭނާ ހަތަރުވަނަ ދަރިއަކު ހޯދުމަށް މަސައްކަތް ކުރަމުންދާ ކަމަށް އެކި ނޫސްތަކުގައި ވަނީ ރިޕޯޓް ކޮށްފައެވެ. ބައެއް ނޫސްތަކުން ބުނެފައިވަނީ ހަތަރުވަނަ ދަރި ހޯދުމަށް ކިމް މިހާރު މަޝްވަރާ ކުރަމުންދާ ކަމަށެވެ.
މި ނޫސްތަކުގެ ތެރެއިން ޑެއިލީ މެއިލް ސެލެބްރިޓީން ރިޕޯޓް ކޮށްފައިވާ ޚަބަރު އެޓޭޗްކުރުމަށް ފަހު އެއަށް ރައްދު ދެމުން ކިމްގެ ޓްވިޓާގައި ބުނެފައިވަނީ އެއީ ތެދުޚަބަރެއް ނޫން ކަމަށެވެ.
އެހެން ނަމަވެސް ކިމް ފެނިގެންދާ ރިއަލިޓީ ޝޯ ކަމަށްވާ ކީޕިން އަޕް ވިތު ކާޑޭޝިއަންސްގެ އެޕިސޯޑުތަކުގައި ކިމް ގިނަ ދަރިން ބޭނުންވާ ކަމަށް ވަނީ ބުނެފައެވެ.
ކިމް ކާޑޭޝިއަންގެ ރަސްމީ ވެބްސައިޓުގައި މިމަހުގެ 15 ވަނަ ދުވަހު ބުނެފައި ވަނީ ސިއްހަތު ރަނގަޅު، ރީތި އަންހެން ކުއްޖަކު ލިބިފައިވާކަމަށެވެ އަދި އެދަރިފުޅު ދުނިޔެއަށް ގެނައި "ސަރޮގޭޓް މަދާ" އަށާއި ޑޮކްޓަރުންނާއި ނަރުހުން ކުރި މަސައްކަތް ބަލައިގެންފައިވާ ކަމަށް އޭނާގެ ވެބްސައިޓުގައި ވަނީ ބުނެފައެވެ. އަދި މީގެ އިތުރުން އޭނާގެ ދެ ދަރިން ކަމަށްވާ ނޯތު އާއި ސެއިންޓް އުފަލާއެކީ އެދެކުދިންގެ ކޮއްކޮއަށް މަރުހަބާ ކިޔާފައިވާ ކަމަށް ކިމް ވަނީ ބުނެފައެވެ. ކިމްގެ ތިންދަރިންނަކީ ނޯތު ވެސްޓް 4، އާޢި ސެއިންޓް ވެސްޓް 2،އަދި އެންމެ ފަހުން ލިބުނު ޝިކާގޯއެވެ.
