ޕްރިޔަންކާ ޗޯޕްޅާގެ ހޮލީވުޑްގެ އެންމެ ފުރަތަމަ ސީރީޒް "ކުއަންޓިކޯ" ދައްކަން ފަށާނީ އަންނަ އެޕްރީލް މަހުގައެވެ.
އެ ސީރީޒް ގެނެސްދޭ ޗެނަލް ކަމަށްވާ އޭބީސީ އިން އިންސްޓަގްރާމަށްލާފައިވާ ފޮޓޯއެއްގައި ބުނެފައި ވަނީ "ކުއަންޓިކޯ" ގެ ތިން ވަނަ ސީޒަން ދައްކަން ފަށާނީ އެޕްރީލް 26 އިން ފެށިގެން ކަމަށެވެ.
ޕްރިޔަންކާ ވެސް ވަނީ އޭނާގެ އިންސްޓަގްރާމްގައި މިކަން އިއުލާނުކޮށްފަ ބުނެފައެވެ.
ޕްރިޔަންކާ ވަނީ ކުއަންޓިކޯގެ ތިން ވަނަ ސީޒަން ކުޅުމަށް އޭނާގެ އިސްތަށިގަނޑުގެ ސްޓައިލް ބަދަލުކޮށް އިސްތަށިގަނޑު ކުރުކޮށް ކޮށާލާފައެވެ. އޭނާ "ކުއަންޓިކޯ" ގައި ކުޅެނީ އެފްބީއައި އެޖެންޓެއްގެ ރޯލެވެ.
މީގެ ކުރިން ޕްރިޔަންކާ ބުނެފައި ވަނީ ތިން ވަނަ ސީޒަނުގައި އެފްބީ އައި އެޖެންޓް އެލެކްސް ޕެރިޝްގެ ރޯލު އޭނާ ފެންނާނީ ތަފާތުކޮށް ކަމަށް ބުނެފައެވެ.
ޕްރިޔަންކާ ދަނީ ހޮލީވުޑްގެ ދެ ފިލްމެއްގެ މަސައްކަތް ވެސް ކުރަމުންނެވެ. އެއީ "އަ ކިޑް ލައިކް ޖެކް" އާއި "އިޒްންޓް އިޓް ރޮމޭންޓިކް" ގައެވެ. މީގެ ކުރިން އޭނާ ވަނީ "ބޭވޮޗް" ގައި ހަރަކާތްތެރިވެފައެވެ.
