ތައިލެންޑުގެ ބޮޑު ވަޒީރު ޕްރޭއުތް ޗަން-އޮޗާ އެމަނިފާނުގެ ބަދަލުގައި މީޑިއާގެ ސުވާލުތަކަށް ޖަވާބު ދެއްވުމަށް އެމަނިކުފާނުގެ ސިފަފުޅަށް ކާޑްބޯޑުން ހަދާފައިވާ ފޮޓޯފުޅެއް ބަހައްޓަވައިފިއެވެ.
ތައިލެންޑުގައި ފާހަގަ ކުރާ އެގައުމުގެ ކުޑަކުދިންގެ ދުވަސް ޕްރޮމޯޓު ކުރުމަށް ބޭއްވި އިވެންޓެއްގައި ކާޑްބޯޑުން ހަދާފައިވާ ބޮޑު ވަޒީރު ޗަން-އުޗާ ގެ ފޮޓޯފުޅަށް އިޝާރާތް ކުރައްވާ އެމަނިކުފާނު ވިދާޅުވީ، "އެއްވެސް ނޫސްވެރިޔަކު ސިޔާސީ ކަންކަމާ ނުވަތަ ހަމަނުޖެހުންތަކާ ބެހޭގޮތުން ސުވާލެއް ކުރަން އޮތްނަމަ، މިއާ ސުވާލުކުރާށެވެ." ބޮޑު ވަޒީރު އެހެން ވިދާޅުވުމުން ނޫސްވެރިންނަށް ވަރަށް ހައިރާންކަން ލިބި ޝޮކެއް ލިބިގެން ދިޔައެވެ.
ތައިލެންޑުގެ ބޮޑު ވަޒީރު ޕްރޭއުތް ޗަން-އޮޗާ މިފަދަ އާދަޔާ ހިލާފު ކަންކަން މާޒީގައި ވެސް ކުރައްވާފައިވެއެވެ. އެގޮތުން އަޑު ރިކޯޑު ކުރާ އާޓިސްޓެއްގެ ކަންފަތުގައި ބޮޑު ވަޒީރުގެ އަތްޕުޅު ބީއްސެވުމާއި އަދި ދޮންކެޔޮ ތޮށިގަނޑެއް ކެމެރާމަނަކާ ދިމާލަށް އުކާލެއްވުން ހިމެނެއެވެ.
މިހާރުގެ ސަރުކާރުގެ ވެރިކަމަށް އައީ 2014 ގައި ކަމަށްވާއިރު، މި ސަރުކާރު ވެރިކަމަށް އައީ ލޭއޮހޮރުވުމެއް ނެތި ގެނައި ބަޣާވާތަކުންނެވެ. އަދި މިހާރުގެ ސަރުކާރަށް ދަނީ ވައުދުތައް ނުފުއްދުމާ ގުޅިގެންނާއި އަދި ހިޔާލުފާޅު ކުރުމުގެ މިނިވަންކަމަށް ހުރަސްއެޅޭ ފަދަ ޕޮލިސީތައް ގެންގުޅޭތީ ވަރަށް ބޮޑަށް ފާޑުކިޔުން އަމާޒުވަމުންނެވެ.
