ބޮލީވުޑްގެ ތަރި ސޯނަމް ކަޕޫރާއި ލޯބިވެރިޔާ އަނަންދް އަހޫޖާއާ ކައިވެނި ކުރަން އުޅޭ ވާހަކަ ދެކެވެން ފަށައިފިއެވެ،
މި ދެމީހުން ކައިވެނި ކުރަން އުޅޭ ވާހަކަ ފަށާފައި މިވަނީ ބޮލީވުޑްގެ މަޝްހޫރު ތަރި އަނުޝްކާ ޝަރްމާއާއި ކްރިކެޓް ކުޅުންތެރިޔާ ވިރާތު ކޯލީގެ ކުއްލި ކައިވެންޏަށް ފަހެވެ.
އާ އަހަރު ޕެރިސް، ފްރާންސްގައި ފާހަގަކުރި ސޯނަމްއާއި އަނަންދު އަންނަ އޭޕްރިލް މަހު ކައިވެނި ކުރަން ރާވަމުންދާ ކަމަށް އިންޑިއާގެ ނޫސްތަކުން ރިޕޯޓްކުރެއެވެ.
ދާދި ފަހުން ދިން އިންޓަވިއުއެއްގައި ސޯނަމް ވަނީ އޭނާގެ ލޯބިވެރިޔާ އަނަންދުއާ ކައިވެނި ކުރަން ގަސްތުކުރާކަމަށާއި ކައިވެނި ހަފްލާ ބާއްވާނީ އިންޑިއާގެ ރާޖަސްތާނުގެ ޖޯދްޕޫރުގައި ހުންނަ އުމައިރު ބަވާން ޕެލެސްގައި ކަމަށް ބުނެފައެވެ.
ކައިވެނި ކުރާނެ ދުވަހެއް ސޯނަމް ހާމަކޮށްފައި ނުވާއިރު، ރިޕޯޓްތަކުން ބުނާ ގޮތުގައި އޭނާ ވަނީ މާޗް/އޭޕްރިލް ހިސާބުގައި އުމައިރު ބަވާން ޕެލެސް 6 ވަރަކަށް ދުވަހަށް ހިފާފައެވެ.
މުމްބާއި މިރަރއިން ރިޕޯޓްކުރާ ގޮތުގައި ސޯނަމްއާއި އަނަންދު ކައިވެނި ކުރަން އުޅޭ ވާހަކަ ދޮގުކޮށް، ތައްޔާރީތައް ވަމުންދަނީ ސޯނަމްގެ ތިމާގެ މީހެއްކަމަށްވާ މޯހިތު މަރްވާހްގެ ކައިވެންޏަށްކަމަށް ބުނަމުންނެވެ. ނަމަވެސް
ސޯނަމްއާއި އަނަންދު އެކުގައި އުޅޭތާ ގިނަ ދުވަސްތަކެއް ވެފައިވީ ނަމަވެސް، އެ މީހުންނަކީ އަމިއްލަ ދިރިއުޅުމާ ގުޅޭ ގޮތުން މާ ގިނަ ވާހަކަ މިޑިއާގައި ހިއްސާ ކުރާ ބައެއް ނޫނެވެ.
