ސަޢޫދީ ޢަރަބިއްޔާގައި ކޮންމެ އަހަރަކު ބާއްވާ ޖަމަލު ފެއަރ، 26 ހާސް ޖަމަލާއިއެކު ފަށައިފިއެވެ.

ހޯމަ ދުވަހު ފެށި ކިންގް އަބްދުލްޢަޒީޒް ޖަމަލު ފެއަރ ފައްޓަވައިދެއްވީ ރަސްގެފާނު ސަލްމާން ބިން އަބްދުލްޢަޒީޒެވެ. 26000 ޖަމަލު ބައިވެރިކޮށްފައިވާ މި ފެއަރގައި ޖަމަލު ގެންގުޅޭ 1500 މީހުން ބައިވެރިވެފައިވެއެވެ. މި ފެއަރގެ އެކި ޙަރަކާތްތަކުގެ އިނާމުތަކަށް 113 މިލިއަނަށް ވުރެ ގިނަ ސަޢޫދީ ރިޔާލް ހުށަހަޅާފައިވެއެވެ. އެއީ ދިވެހި ރުފިޔާއިން ބަލާއިރު 464 މިލިއަނަށް ވުރެ ގިނަ ދިވެހި ރުފިޔާއެވެ.

މިއަހަރުގެ ފެއަރގައި 28 ޙަރަކާތެއް ހިމެނޭއިރު، އެންމެ ވަރުގަދަ އިވެންޓެއްގެ ގޮތުގައި އޮންނާނީ ޖަމަލު ރޭހެވެ. މިއީ ދުނިޔޭގައި ބާއްވާ އެންމެ އަގުބޮޑު ޖަމަލު ރޭހެވެ.

މިއީ ފާއިތުވި 15 ވަރަކަށް އަހަރު ކޮންމެ އަހަރަކު ސަޢޫދީގައި ބާއްވާ އިވެންޓެކެވެ. އަދި މިއީ ކޮންމެ އަހަރަކު ވެސް މީހުން އެ އިވެންޓަކަށް އިންތިޒާރުކުރާ އިވެންޓަކަށްވަނީ ވެފައެވެ. މި އިވެންޓަކީ ސަޢޫދީގެ ގިނަ އަދަދެއްގެ މިނިސްޓްރީތައް ގުޅިގެން ބާއްވާ ބޮޑު އިވެންޓެކެވެ. އަދި އިވެންޓް ކަވަރު ކުރުމަށް ބައިނަލްއަޤްވާމީ ގިނަ މީޑިއާތަކަކުން ސަޢޫދީއަށް ކޮންމެ އަހަރަކު ވެސް ދެއެވެ.