ބޮލީވުޑްގެ ތަރި ރަންވީރު ސިންގްއާއި ދީޕިކާ ޕަދުކޯންވެސް ރާއްޖެ އަންނަ ކަމުގެ ޚަބަރުތައް ފެތުރެން ފަށައިފިއެވެ.
އިންޑިއާގެ ނޫހެއް ކަމަށްވާ އިންޑިއާ ޑޮޓްކޮމްއިން ރިޕޯޓު ކޮށްފައިވާ ގޮތުގައި ދީޕިކާ އާއި ރަންވީރު ރާއްޖެއަންނާނީ އާއަހަރު ފާހަގަ ކުރުމަށެވެ.
މީގެ ކުރިން އަޑުތައް ފެތުރިފައި ވަނީ ދީޕިކާއާއި ރަންވީރު ރާއްޖެ އަންނާނީ އާއަހަރު ފާހަގަކުރުމަށް މާލޭގެ ކާނިވާ ސަރަހައްދުގައި ބާއްވާ ޝޯގައި ބައިވެރިވުމަށެވެ. އެހެން ނަމަވެސް އެ ޝޯ އިންތިޒާމު ކުރާފަރާތުން އަދި އެކަމެއް އިއުލާން ކޮށްފައެއް ނުވެއެވެ.
މީގެ ކުރިން 2013 އަދި 2014 ވަނަ އަހަރު ވެސް އާ އަހަރު ފާހަގަ ކުރުމަށް ދީޕިކާ ވަނީ ރާއްޖެ އައިސްފައެވެ. 2013 ވަނަ އަހަރު އޭނާ ޗުއްޓީ ހޭދަކުރީ ތާޖް އެގްޒޯޓިކާ ގަައެވެ. އަދި 2014 ވަނަ އަހަރު ރަންވީރާއި އެކު އޭނާ ޗުއްޓީ ހޭދަކުރީ ރަންދެލި ރިސޯޓުގައެވެ.
ދީޕިކާއާއި އޭނާގެ ލޯބިވެރިޔާ ރަންވީރު އެކީގައި އެންމެ ފަހުން ކުޅެފައިވާ ފިލްމަކީ ޕާދްމަވަތީއެވެ. އެ ފިލްމު އަދި ސިނަމާތަކަށް އަންނާނެ ދުވަހެއް ނޭނގޭއިރު މި ފިލްމާމެދު އުފެދުނު ޚިޔާލުތަފާތު ވުންތަކާހެދި އެދެމީހުންގެ ސެކިއުރިޓީ ވަނީ ވަރުގަދަ ކޮށްފައެވެ.
