ސޮނާކްޝީ ސިންހައަށް އަނެއްކާވެސް ކަރަންޖޯހަރުގެ ފިލްމަކުން ޖާގަ ލިބިއްޖެއެވެ.
މިކަން އަންގާ ކަރަން ޖޯހަރު ބުނެފައިވަނީ އެފިލްމުގެ ނަން އަންނަ ހަފްތާގައި އިއުލާން ކުރާނެ ކަމަށެވެ. ސޮނާކްޝީގެ އިތުރުން އެ ފިލްމުގައި ދެން ފެންނާނެ ތަރިންގެ ނަމެއް ކަރަން ނުބުނެއެވެ.
ކަރަންގެ ފިލްމަކުން ސޮނާކްޝީ ފެނިގެންދިޔަ އެންމެ ފަހުގެ ފިލްމަކީ "އިއްތިފާގު" އެވެ. "އިއްތިފާގު"އަކީ ކުރީގެ "އިއްތިފާގް 1969" ގެ ރީމޭކިން އަށް ހަދާފައިވާ ފިލްމެކެވެ. ސިދާރްތު މަލޯތުރާ އަދި ސޮނާކްޝީ ސިންހް ލީޑު ރޯލުން ފެނިގެންދިޔަ މި ފިލްމަށް ވަނީ ބެލުންތެރިންގެ ބޮޑު ތަރުހީބެއް ލިބިފައެވެ.
މި ފިލްމު ޑައިރެކްޓް ކޮށްފައިވަނީ އަބޭ ޗޯޕްޅާ އެވެ. ކުރީގެ "އިއްތިފާގް"ގައި މުހިންމު ރޯލްތަކުން ފެނިގެން ގޮސްފައި ވަނީ ރާޖޭޝް ކަންނާ އާއި ނަންދަ އަދި މަދަން ޕޫރީ އެވެ.
ކަރަން މިހާރު ދަނީ "ސްޓޫޑެންޓް އޮފް ދަ އިޔާ2" ފެށުމުގެ ތައްޔާރީތައް ވެސް ވަމުންނެވެ. މި ފިލްމުން ފެނިގެން ދާނީ ޓައިގާ ޝްރޮފްއެވެ.
