އައިއެސްގެ އަތްދަށުގައި އޮތް ސަރަހައްދުތަކުގައި ގެންގުޅޭ ހަރުކަށި ގަވާއިދުތަކާއި، އެ ޖަމާއަތުގެ ގާނޫނުތަކާއި ކޯޑް އޮފް ކޮންޑަކްޓާ ޚިލާފްވާ ފަރާތްތަކާ ކުރިމަތިވާނެ ކަންތައްތަކާ ބެހޭ ލިޔެކިއުންތަކެއް ފެނިއްޖެއެވެ.
އަލްޖަޒީރާއަށް ލިބިފައިވާ މި ލިޔުންތަކުންވަނީ އެ ޖަމާއަތުގެ އޮނިގަނޑާ ޖަމާއަތުގެ ހާލަތު އިތުރަށް އެނގިގެން ގޮސްފައެވެ.
މި ލިޔެކިޔުންތައް ހޯދާފައިވަނީ އިރާގުގެ ދެވަނައަށް އެންމެ ބޮޑު ސިޓީކަމަށްވާ މޫސަލްގެ ހުޅަނގުން އޮންނަ އަލް ބާޖް ޑިސްޓްރިކްޓުންނެވެ.
އެ ލިޔުންތަކުންގެ ތެރެއިން އައިއެސްގެ ލޯގޯ ޖަހާފައިވާ އެއް ލިޔުމެއްގައިވާ ގޮތުން އިރާގުގެ ފައުޖުތަކާ ހަނގުރާމަކުރަމުންދާ އެ ޖަމާއަތުގެ މެމްބަރަކު ފިލައިގެންގޮސްފިނަމަ ނުވަތަ ދާން އުޅުނު މީހަކަށް އަދަބު ދޭންޖެހޭ ގޮތުގެ އިރުޝާދު ގްރޫޕްގެ އޮނިގަނޑުގައިވާ ހުރިހާ ގުނަވަނަކަށް ދޭނީ އޮތަރައިޒްޑް ކޮމިޓީ" އިންނެވެ.
މީގެ އިތުރުން އެ ޖަމާއަތުގެ ހަނގުރާމަވެރިން އަތުލައިގަންނަ ކޮންމެ މީހަކު އެޖަމާއަތުގެ ވިސްނުމަށް އަނބުރާލުމަށް އެ ޖަމާއަތުގެ"އަސްކަރީ ކޯޓާއި" އަސްކަރިއްޔާގެ އިންޓެލިޖެންސް" އަށް އިރުޝާދު ދީފައިވެއެވެ.
އައިއެސްގެ ކަންތައްތަކާ ބެހޭ ތަޖުރިބާކާރެއްކަމަށްވާ ހަސަން އަބޫ ހަނިއްޔާ އަލްޖަޒީރާގައި ބުނެފައިވަނީ އެ ޖަމާއަތުގެ ކޯޓުތަކުން އާއްމުކޮށް އިއްވާނީ މަރުގެ ހުކުމް ކަމަށެވެ. އޭގެ ސަބަބަކީ އެ ޖަމާތުން ހައްޔަރު ކުރާ މީހުން ހަނގުރާމައިގައި ބައިވެރިވުމަށް ދެކޮޅު ހެދުން ނޫންނަމަ އެނބުރި އަމިއްލަ ގައުމަށް ދިއުމަށް އެދެމުން ދިއުމެވެ.
