މައްޗަންގޯޅި ފެސިނޭޝަން ގޭގެ ދޮންނަ މެޝިނެއްގައި ރޯވެ މީހަކަށް އަނިޔާވެއްޖެ އެވެ.
އެމްއެންޑީއެފް އިން ބުނީ ހުކުރު ދުވަހުގެ ރޭ 20:04 ގައި މައްޗަންގޯޅި ފެސިނޭޝަން ގޭގައި އަލިފާނުގެ ހާދިސާއެއް ހިގައިގެން އުޅޭ ކަމުގެ ރިޕޯޓް ލިބިފައިވާ ކަމަށާއި، މި ހާދިސާގައި މީހަކަށް އަނިޔާވެ ހޮސްޕިޓަލަށް ގެންދެވިފައިވާ ކަމަށެވެ.
އެމްއެންޑީއެފް އިން ބުނެފައިވަނީ އަލިފާނުގެ ހާދިސާ ހިނގީ ދޮންނަ މެޝިނެއްގައި ކަމަށެވެ. އެހެންނަމަވެސް އަލިފާނުގެ ހާދިސާ ހިނގީ ގޭސް ފުޅިއެއް ގޮވައިގެންކަމަށް ބައެއް މީޑިއާތަކުން ވަނީ ރިޕޯޓްކޮށްފައެވެ.
