ކާރަކާ ޕިކަޕަކާ ޖެހި ނުރައްކާތެރި އެކްސިޑެންޓެއް ހުޅުލޭގައި ހިނގައިފިއެވެ.
އަންގާރަ ދުވަހު މެންދުރު ކުރިން ހިނގި މި ހާދިސާ ގައި ދެ އުޅނަދަށް ވެސް ގެއްލުންތަކެއް ލިބިފައިވާ އިރު، ކާރަށް ވަކިން ބޮޑަށް ގެއްލުން ލިބިފައިވާކަން ފާހަގަ ކުރެވެއެވެ.
އެކްސިޑެންޓް ހިނގީ އަންގާރަ ދުވަހު ހެނދުނު 9:45 ހާއިރުއެވެ.
މަންޒަރު ދުށް މީހުން ބުނާ ގޮތުގައި މަޑުން ދުއްވާފައި އައި ކާރެއް ކުއްލިއަކަށް ކޮންޓްރޯލުން ނެއްޓި އެކްސިޑެންޓްވީ ކާރު ދުއްވަން އިން ޑްރައިވަރަށް ޞިއްޙީ މައްސަލައެއް ދިމާވެގެން ކަމަށްވެއެވެ.
އެކްސިޑެންޓްވި ކާރު ޕިކަޕުގެ ފަހަތުގައި ޖެހުނީ އޭގެ ކުރިން ކާރު ގޮސް ރޯޑު ޑިވައިރުތަކާއި ވޭނެއްގައި ޖެހުމަށްފަހުގައި ކަމަށް މަންޒަރު ދުށް މީހުން މަޢުލޫމާތު ދެއެވެ.
އެކްސިޑެންޓްގައި ކާރާއި ޕިކަޕް ދުއްވަން ތިބި ދެމީހުންނަށް ވެސް އަނިޔާވެފައިވެއެވެ.
ކާރު ދުއްވަން އިން މީހާއަށް ވަރަށް ބޮޑަށް އަނިޔާވެގެން ހުޅުމާލެ ހޮސްޕިޓަލަށް ވަނީ ގެންގޮސްފައެވެ.
