ރާއްޖެ އަށް މިހާރު ކުރަމުންދާ ވިއްސާރައިގައި މާލޭގެ ބޮޑު ސަރަހައްދެއްގައި ފެން ބޮޑުވެއްޖެއެވެ.
މާލޭގައި ފެން ހިންދުމުގެ މަސައްކަތް ކުރަމުންދާ އިރު 3 ސަރަހައްދެއްގައި 11 ޕަންޕް ބޭނުންކޮށްގެން ފެން ހިންދަމުންދާ ކަމަށް އެމްއެންޑީއެފް އިން މައުލޫމާތު ދީފައިވެއެވެ.
ފެންބޮޑުވެ މާލޭގެ ގޭގެއަށާއި ފިހާރަ ތަކަށް ފެން ވަނުން ކޮންޓްރޯލު ކުރުމަށް މާލޭ ސިޓީ ކައުންސިލްއާއި މޯލްޑިވްސް ޕޮލިސް ސާރވިސް އިން ދަނީ ވެލި ބަސްތާ ޖެހުމުގެ މަސައްކަތް އެކި ސަރަހައްދުތަކުގައި ކުރަމުން ކަމަށް އެ ފަރާތްތަކުން ވަނީ ހާމަ ކޮށްފައެވެ.
