ށ. އަތޮޅުން ފެށިގެން އދ. އަތޮޅާ ހަމަ އަށް ރީނދޫ ސަމާލު މޯލްޑިވްސް މިޓިއޮރޮލޮޖިކަލް ސާވިސް (އެމްއެމްއެސް) އިން ނެރެފިއެވެ.

ރީނދޫ ސަމާލުގެ ވަގުތު ކަމުގައި ބުނެފައިވަނީ ޑިސެމްބަރު 17 ވަނަ ދުވަހުގެ ހެނދުނު 07:15 ން 11:15 އާ ހަމައަށެވެ.

ށ. އަތޮޅުން ފެށިގެން އދ. އަތޮޅާ ދެމެދުގެ ރަށްތަކަށް ބޯކޮށް ވާރޭވެހުމާއެކު ގުގުރާނެ ކަމަށްވަނީ ލަފާކޮށްފައެވެ.

ދެކުނުގެ ބައެއް ރަށްތަކަށް ގުގުރުމާއެކު ކެރީގެ އަސަރު ފޯރާނެކަމަށް ލަފާކޮށްފައިވާއިރު އެހެން ހިސާބުތަކަށް ވިއްސާރަވެ ގުގުރުމާއެކު ބޯކޮށް ވާރޭވެހޭނެ ކަމަށްވެސް ވަނީ ލަފާކޮށްފައެވެ.

ވައި ޖެހޭނީ ހުޅަނގާއި ހުޅަނގުއުތުރުން ދެކުނުގެ އަތޮޅުތަކަށް ގަޑިއަކު 13 މޭލާއި 23 މޭލާ ދެމެދުގެ ބާރުމިނުގައި ކަމަށާއި އެހެން ހިސާބުތަކަށް އިރުދެކުނާއި ދެކުނުން ގަޑިއަކު 7 މޭލާއި 17 މޭލާ ދެމެދުގެ ބާރުމިނުގައި ވައިޖެހޭނެކަމަށް ލަފާކޮށްފައިވާއިރު ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށްވެސް ވަނީ ލަފާކޮށްފައެވެ.

ދެކުނު ކަނޑުތައް ގަދަވާނެ ކަމަށް ލަފާ ކޮށްފައިވާއިރު އަދި އެހެން ހިސާބުތަކުގެ ކަނޑުތައް އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެއެވެ.