ގާނޫނު ހަދާ މަޖިލީހުގެ ހުއްދަ ނެތި، ބަޖެޓު ގައި ހިމެނުއްވި އިސްލާހީ ފިޔަވަޅު ތަކާ ގުޅިގެން ފަރަންސޭސި ބޮޑު ވަޒީރު މިޝޭލް ބާނިއޭ އަށް އިތުބާރު ނެތް ކަމުގެ ވޯޓަކާ ކުރިމަތިލައްވަން ޖެހިވަޑައިގެންފިއެވެ. 

ބުދަ ދުވަހު ގެ ވޯޓުގައި ބޮޑު ވަޒީރުގެ އިތުބާރު ނެތް ކަމަށް ފާސް ވެއްޖެ ނަމަ، އެއީ ފާއިތުވެ ދިޔަ 60ށް ވުރެ ގިނަ އަހަރުގެ ތެރޭގައި ފްރާންސްގެ ސަރުކާރެއް މިގޮތަށް ވައްޓާލެވޭ ފުރަތަމަ ފަހަރު ކަމުގައި ވާނެއެވެ.

އިތުބާރު ނެތް ކަމުގެ ވޯޓު ހުށަހަޅާފައިވަނީ ވާތުފިޔައިގެ ޕާޓީތަކާއި ހައްދުފަހަނައަޅާފައިވާ ކަނާތު ފިޔައިގެ ޤައުމިއްޔަތު ޕާޓީތައް ގުޅިގެންނެވެ. އެ ހުށަހެޅުމަށް ބަހުސްކުރުމަށް ފަހު ނެޝަނަލް އެސެމްބްލީ ގައި ބުދަ ދުވަހު ވޯޓު ނަގަން ހަމަޖެހިފައިވެއެވެ. މި ދެ ފަރާތުގެ ޖުމްލަ މެންބަރުންގެ އަދަދު 330 އަށްވުރެ ގިނަ އިރު، އިތުބާރު ނެތްކަމުގެ ހުށަހެޅުމެއް ފާސްވުމަށް މަދުވެގެން ގާނޫނު ހަދާ މަޖިލީހުގައި ހިމެނޭ 574 މެމްބަރުންގެ ތެރެއިން 288 މެމްބަރުންގެ ވޯޓު ބޭނުންވެއެވެ. 

ފަރަންސޭސި ސަރުކާރު ވެއްޓުމުގެ ފުރުސަތު އޮތުމާއެކު، ރައީސް އިމެނުއެލް މެކްރޯން ސައުދީ އަރަބިއްޔާއަށް ކުރައްވާ ދަތުރުފުޅު ކުރުކޮށްލެއްވުމަށްފަހު ގައުމަށް އެނބުރި ވަޑައިގަންނަވާނެ ކަމަށް ބެލެވެއެވެ.

އިތުބާރު ނެތް ކަމުގެ ވޯޓަކާ ކުރިމަތިލައްވަން ޖެހުނު އިރު ބާނިއޭ ބޮޑު ވަޒީރު ކަމަށް ވަޑައިގެންނެވިތާ އަދި މިވީ ގާތްގަނޑަކަށް އެންމެ ތިން މަސް ދުވަހެވެ.