އައްޑޫ ބްރިޖު މަޝްރޫއުގެ ސަރވޭއަށް 38 މިލިއަން ރުފިޔާ ހޭދަކޮށްފައިވާ ކަމަށާއި، ހެދި ސަރވޭގެ ރިޕޯޓު ފެންނަން ނެތް ކަމަށް އެމްޑީޕީގެ ޕާލަމަންޓްރީ ގްރޫޕް (ޕީޖީ) ލީޑަރު ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ވިދާޅުވެއްޖެ އެވެ.
ހޯމަ ދުވަހު ކުރިއަށް ދިޔަ ރައްޔިތުންގެ މަޖިލީހުގެ ޖަލްސާގައި މެންބަރު ނާޒިލް ވިދާޅުވީ ބްރިޖުގެ މަޝްރޫއު ކުރިއަށް ގެންދާ ވާހަކަ މިސަރުކާރުން އަބަދުވެސް ދައްކަމުންދާ ކަމަށެވެ. އެމަސައްކަތް ކުރުމަށް 38 މިލިއަން ރުފިޔާ ހޭދަ ކޮށްފައިވާކަން ފާހަގަކުރައްވައި މެންބަރު ނާޒިލް ވިދާޅުވީ ހެދި ސަރވޭ ފެންނަން ނެތް ކަމަށެވެ.
އައްޑޫގެ ތަރައްގީއަށް އިޝާރާތް ކުރައްވައި މެންބަރު ނާޒިލް ވިދާޅުވީ ހިތަދޫގައި ޒަމާނީ ފެންވަރަށް ތަރައްގީ ކޮށްފައިވާ މަގުތަކުގެ ބާކީ ނުނިމި ހުރި ބައި ވެސް މިސަރުކާރަށް އަހަރު ވެގެން ދިޔައިރު ނިންމާލެވިފައިނުވާ ކަމަށާއި، އައު މަޝްރޫއެއްގެ ބިންގާ ވެސް އެޅިފައިނުވާ ކަމަށެވެ. މިސަރުކާރަށް އޮތީ ހަތަރު އަހަރު ކަމަށާއި، ފަހު އަހަރަކީ ކެންޕޭން އަހަރު ކަމަށެވެ. އަދި ބޮޑެތި ރަށްރަށުގައި ބޮޑެތި މަޝްރޫއުތަކަށް 3 އަހަރު ބޭނުންވާނެ ކަމަށާއި، އެއްވެސް މަޝްރޫއެއް ފެށިފައިނުވާ ކަމަށް މެންބަރު ނާޒިލް ވިދާޅުވިއެވެ.
އައްޑޫގައި އަޅާ ބްރިޖުގެ ވާހަކަ. ރިޕޯޓުތައް ހަދައިފީމޭ. ސަރވޭތައް ހަދައިފީމޭ. ކޮންތަނަކު ސާވޭ ހެދީ. 38 މިލިއަން ރުފިޔާ ކާލައިފި. ސަރވޭ ކިޔައިގެން. ހެދި ސަރވޭ ފެންނާކަށް ނެތް. ކައުންސިލަށް ގޮސްފައި އެބައަހާ މި ބުނާ ސަރވޭ ރިޕޯޓުން އެބައަހާ ދެކަނޑު އޮޅި އެބައިދޭ. ކޮންތަނަކުންތޯ ފަށާނީ. ކިހައި ވަރަކަށްތޯ މަތިން ދާނީ. އަޑިންދާނީ ކޮން ސައިޒެއްގެ ބޯޓުތަކެއްތޯ. އެކަމަކު ބްރިޖު ވެސް ނިމޭނެއޯ. ބްރިޖް ވެސް ނިންމަންވީ. ސަންގްރިއްލާ ވެސް ނިންމަންވީ. ކޮންކަމެއްތޯ އަހަރު ނިމުނިއިރުވީ.އެމްޑީޕީގެ ޕާލަމަންޓްރީ ގްރޫޕް (ޕީޖީ) ލީޑަރު ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް
މެންބަރު ނާޒިލް ވިދާޅުވީ ބަޖެޓާއި ގުޅޭގޮތުން ސަރުކާރުން ދައްކަނީ ހަގީގާތާއި ހިލާފު ވާހަކަތަކެއް ކަމަށެވެ. އަދި މިއަހަރުގެ ތެރޭގައި ކުރުމަށް ބަޖެޓުގައި ހިމަނާފައިވާ އެއްވެސް ކަމެއް ކޮށްފައިނުވާ ކަމަށް މެންބަރު ނާޒިލް ވިދާޅުވިއެވެ.
ބަޖެޓު ނެތިގެން ނުކުރެވޭ ވާހަކަ. ބަޖެޓު ހުރެގެން ނުކުރެވޭ ވާހަކަ. ބަޖެޓު ބޮޑުވެގެން ނުކުރެވޭ ވާހަކަ. ބަޖެޓު ކުޑަވެގެން ނުކުރެވޭ ވާހަކަ. ޕްރޮޖެކްޓް ގިނަވެގެން ނުކުރެވޭ ވާހަކަ. ޕްރޮޖެކްޓް މަދުވެގެން ނުކުރެވޭ ވާހަކަ. ކުރެވުނީ ކޮންކަމެއް. ކުރެވެންޏާ ކުރެވޭ ވާހަކަ ދައްކަން ޖެހޭ. ކުރެވުނު ކަންތައް ވެސް ދައްކަންޖެހޭ.އެމްޑީޕީގެ ޕާލަމަންޓްރީ ގްރޫޕް (ޕީޖީ) ލީޑަރު ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް
މީގެ އިތުރުން މެންބަރު ނާޒިލް ވިދާޅުވީ ރައްޔިތުންނަށް ވައުދުވެގެން އައި މިސަރުކާރުން ރައްޔިތުންނަށް ވެފައިވާ ވައުދުތައް ނުފުއްދާ ކަމަށާއި، ރައްޔިތުންގެ ޖީބަށް ފައިސާ ވަންނަ އެއްވެސް ކަމެއް ކުުރެވިފައިނުވާ ކަމަށެވެ.
