ކ. މާލެ
|
20 ނޮވެންބަރ 2024 | ބުދަ 15:50
ޤާނޫނު އަސާސީގެ ދިފާއުގައި އިދިކޮޅު މައި ޕާޓީ އެމްޑީޕީ އިން ކުރިއަށް ގެންދިޔަ މުޒާހަރާގެ ތެރެއިން
ޤާނޫނު އަސާސީގެ ދިފާއުގައި އިދިކޮޅު މައި ޕާޓީ އެމްޑީޕީ އިން ކުރިއަށް ގެންދިޔަ މުޒާހަރާގެ ތެރެއިން
އެމްޑީޕީ
ގާނޫނު އަސާސީގެ ދިފާއުގައި ކުރާ މުޒާހަރާ
ރައްޔިތުންގެ މަޖިލީހެއްގެ ގޮތުގައި މަޖިލިސް އޮންނާނެ މިއީ ފަހު ދުވަސްކަމަށް ބުނެ، ގިނަ ބަޔަކު އެއްވެ ސަރުކާރާ ދެކޮޅަށް އަޑު އުފުލައިފި
ގާނޫނުއަސާސީ އިސްލާހު ކުރަން މަޖިލީހަށް ހުށަހަޅާފައިވާ އިސްލާހު ބޭރުކުރުމަށް ގިނަ ބަޔަކު ދަނީ ގޮވާލަމުން
ސަރުކާރަށް ތާއީދުކުރާ ފަރާތްތަކުން ދަނީ އެ އިސްލާހު ފާސްކުރުމަށް ގޮވާލާފައި
އެއްވުމުގެ ތެރެއިން ބައެއް މީހުންނަށް އަނިޔާވެފައިވޭ

ރައްޔިތުންގެ މަޖިލީހެއްގެ ގޮތުގައި މަޖިލިސް އޮންނާނެ މިއީ ފަހު ދުވަސްކަމަށް ބުނެ، ގިނަ ބަޔަކު އެއްވެ ސަރުކާރާ ދެކޮޅަށް އަޑު އުފުލައިފިއެވެ.

"ގާނޫނު އަސާސީގެ ދިފާއުގައި" މި ނަމުގައި އެމްޑީޕީއަށް ތާއީދުކުރާ ގިނަ އާއްމު ރައްޔިތުން މަޖިލިސް ކުރާ ގެ ސަރަހައްދުގައި ސުލްހަވެރިކަމާއެކު މުޒާހަރާ ކުރަމުން ދަނިކޮށް، ސަރުކާރަށް ތާއީދުކުރާ އާއްމު ރައްޔިތުންގެ އިތުރުން ސަރުކާރުގެ އިސް މަގާމުތަކުގައި ތިއްބެވި ބައެއް ފަރާތްތަކުން މުޒާހަރާގެ ތެރެއަށް ވަދެ ސަރަހައްދު ހޫނު ކުރުމަށް މަސައްކަތް ކޮށްފައިވާކަމަށް އެތަނުގައި ތިބި މުޒާހަރާގެ ބައިވެރިން ވަނީ ބުނެފައެވެ. އަދި ފުލުހުންގެ ސަފުތައް ރޫޅާލުމަށް ޕިއެންސީއަށް ނިސްބަތްވާ ބައިވެރިން މަސައްކަތްކޮށްފައިވާއިރު، ދެ ޕާޓީއަށް ނިސްބަތްވާ އާއްމު މެމްބަރުން އެއްބަޔަކު އަނެއް ބަޔަކަށް ރައްދު ދީފައިވާއިރު، އެސަރަހައްދުގެ މަސްރަހު ގޯސްވެފައިވެއެވެ.

ޕާޓީ ބަދަލުކޮށްފިނަމަ ނުވަތަ ޕާޓީއިން ވަކިކޮށްފިނަމަ މެންބަރުކަމުން ވަކިވާނެކަމަށް ގާނޫނުއަސާސީ އިސްލާހު ކުރަން މަޖިލީހަށް ހުށަހަޅާފައިވާ އިސްލާހު ބޭރުކުރުމަށް ގިނަ ބަޔަކު ދަނީ ގޮވާލަމުންނެވެ. އަދި އެމްޑީޕީގެ ޕީޖީ ގުރޫޕުން ވެސް ވަނީ އެކަމާ ދެކޮޅަށް ތެދުވެފައެވެ. ނަމަވެސް ސަރުކާރަށް ތާއީދުކުރާ ފަރާތްތަކުން ދަނީ އެއިސްލާހު ފާސްކުރުމަށް ގޮވާލާފައެވެ.

ޤާނޫނު އަސާސީގެ ދިފާއުގައި އިދިކޮޅު މައި ޕާޓީ އެމްޑީޕީ އިން ކުރިއަށް ގެންދިޔަ މުޒާހަރާގެ ތެރެއިން - އެމްޑީޕީ

މައުލޫމާތު ލިބިފައިވާ ގޮތުގައި އެއްވުމުގެ ބައިވެރިން ދުރަށް ޖެއްސުމަށް ކުރި މަސައްކަތުގެ ތެރެއިން އެ ސަރަހައްދުގައި އަމަން ބަލަހައްޓަމުންދިޔަ ފުލުހަކަށް ވެސް ވަނީ އަނިޔާވެފައިވެއެވެ. އަދި އެސަރަހައްދުގައި ހަރަކާތްތެރިވަމުންދިޔަ ބައެއް އާއްމުންނަށް ވެސް އެކިވަރުގެ އަނިޔާތައް ލިބިފައިވެއެވެ.

ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީ އަށް މި ބަދަލު ގެނައުމުގެ ބިލުގެ ސަރުކާރުގެ ފަރާތުން ބުދަ ދުވަހު މަޖިލީހަށް ހުށަހެޅުއްވީ ސަރުކާރު ހިންގާ ޕީޕަލްސް ނޭޝަނަލް ކޮންގްރެސް (ޕީއެންސީ) އަށް ނިސްބަތްވާ ހުޅުދޫ ދާއިރާގެ މެންބަރު މުޙައްމަދު ޝާހިދުއެވެ.

މިފަދަ ބަދަލެއް ޤާނޫނު އަސާސީ އަށް މި ހުށަހެޅީ ރައްޔިތުންގެ މަޖިލީހުގެ މެންބަރުން އިންތިޚާބުވާ އިރު ތިބި ޕާޓީ ނޫން އެހެން ޕާޓީއަކަށް ސޮއިކޮށްފި ނަމަ މަގާމުން އިސްތިއުފާ ދޭންޖެހޭ ގޮތަށް އެކުލަވާލާފައިވާ އެންޓި ޑިފެކްޝަން ގާނޫނުގެ މާއްދާ އެއް ބާތިލް ކުރުމަށް ހައި ކޯޓަށް މައްސަލައެއް ހުށަހަޅާފައި ވަނިކޮށެވެ.

- ކޮމެންޓް