ބުދަ ދުވަހު ލުބުނާނުގެ ބެކާ ވެލީގެ ބާލްބެކް ސިޓީ ސަރަޙައްދަށް އިޒްރޭލުން ދިން ހަމަލާތަކުގައި 40 މީހުން މަރުވެއްޖެ ކަމަށް އެ ޤައުމުގެ ސިއްޙީ ވުޒާރާއިން ބުނެފިއެވެ. އަދި އިރާކޮޅުގެ ވަގުތު ބެއިރޫތުގެ ދެކުނުގެ

އިޒްރޭލާއި ހިޒްބުﷲ އާ ދެމެދު ހަމަލާތައް ބަދަލު ކުރެވެމުންދާތާ އަހަރަކަށްވުރެ ގިނަ ދުވަސް ވަނީ ފާއިތުވެފައެވެ. ޣައްޒާ އަށް އިޒްރޭލު ސިފައިން އަރާ ހަނގުރާމަ ފެށުމާއެކު ހިޒްބުﷲ އިން ގެންދިޔައީ އެ ހަނގުރާމައިގައި ފަލަސްތީނުގެ ރައްޔިތުންނާ ބައިވެރިވުމުގެ ގޮތުން އިޒްރޭލުގެ ޓާގެޓް ތަކަށް ހަމަލާތައް ދެމުންނެވެ. ނަމަވެސް ސެޕްޓެމްބަރު މަހުގެ ފަހުކޮޅުން ފެށިގެން އިޒްރޭލުން ލުބުނާނުގެ އެކި ޓާގެޓްތައް ދެމުންދާ ހަމަލާތައް ވަރުގަދަކުރުމާއެކު، ހިޒްބުﷲ އިން އިޒްރޭލަށް ދޭ ހަމަލާތައްވެސް ވަނީ އިތުރުކޮށްފައެވެ. ވައިގެ މަގުން އިޒްރޭލުގެ ސިފައިން ލުބުނާނުގެ ދެކުނާއި އިރުމަތީ ސަރަޙައްދުތަކަށް ބޮން އެޅުން އިތުރުކޮށް، ބޯޑަރު ސަރަޙައްދުގެ އަވަށްތަކަށް އެއްގަމު މަގުން ވަނީ ވަދެފައެވެ.

އިޒްރޭލުން ވަނީ ބެއިރޫތުގެ ދެކުނު ސަރަޙައްދުގައި ހުންނަ ހިޒްބުﷲ ގެ މުހިންމު މަރުކަޒުތަކަށް ތަކުރާރުކޮށް ބޮން އަޅާ ހަމަލާދީފައެވެ.

ބުދަ ދުވަހު ބެއިރޫތުގެ ދެކުނުގެ ބައެއް ސަރަހައްދުތަކުގައި ދިރިއުޅޭ މީހުން އެމީހުންގެ ވަޒަން ދޫކޮށް ނުކުތުމަށް އިޒްރޭލުން ދިން އިންޒާރާއެކު ވަރުގަދަ ހަމަލާތަކެއް ދީފައިވެއެވެ. ރިޕޯޓުތައް ބުނާ ގޮތުގައި މި އިންޒާރުގެ ފަހުން ދެ ފަހަރެއްގެ މަތިން ހަމަލާ ދިނެވެ. އެއް ހަމަލާ ދިނީ ބުދަ ދުވަހުގެ ރޭގަނޑު ދަންވަރުގެ ވަގުތުގައެވެ. އަނެއް ހަމަލާ ދިނީ ބުރާސްފަތި ދުވަހުގެ ހެނދުނު ވަގުތުގައެވެ.

ލުބުނާނުގެ އަލް ޖަދީދު ޓީވީން ރިޕޯޓުކުރި ގޮތުގައި ބުރާސްފަތި ދުވަހު މަދުވެގެން 4 ހަމަލާ ދީފައިވެއެވެ. ނަމަވެސް މި ހަމަލާތަކުގައި މަރުވި މީހުންގެ އަދަދެއް ނުވަތަ ގެއްލުން ލިބުނު ތަންތަނުގެ ތަފްޞީލެއް އަދި ލިބިފައެއް ނުވެއެވެ.

ބުދަ ދުވަހު ހިޒްބުﷲ ގެ ސެކްރެޓަރީ ޖެނެރަލް ނައީމް ޤާސިމް ވިދާޅުވީ، ސިޔާސީ މަސައްކަތްތަކުން މި ހަނގުރާމަ ހުއްޓުވޭނެ ކަމަކަށް އޭނާ ޤަބޫލު ނުކުރައްވާ ކަމަށެވެ.

އޭނާ ވިދާޅުވީ، ދުޝްމަނުން ހަމަލާތައް ހުއްޓާލަން ނިންމައިފިނަމަ، ލުބުނާނުގެ ސަރުކާރު މެދުވެރިކޮށް މަޝްވަރާ ކުރެވިދާނެ ކަމަށެވެ.

އިޒްރޭލާއި ހިޒްބުﷲ އާ ދެމެދު ހިނގަމުންދާ ހަނގުރާމަ 60 ދުވަހުގެ މުއްދަތައް ހުއްޓާލުމަށް އެމެރިކާ ސަރުކާރު މެދުވެރިވެގެން ކުރި މަސައްކަތް ވަނީ ނާކާމިޔާބުވެފައެވެ.