ވެލާނާ އިންޓަރނޭޝަނަލް އެއާޕޯޓުގެ ކުރީގެ ރަންވޭ އަލުން ތަރައްޤީކުރުމަށް ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް، (ބީޔޫސީޖީ) އާ ހަވާލުކޮށްފިއެވެ.
މަސައްކަތުގެ އެއްބަސްވުމުގައި، އަންގާރަ ދުވަހުގެ ރޭ ސޮއިކުރެއްވީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) ގެ މެނޭޖިންގް ޑިރެކްޓަރ އިބްރާހިމް ޝަރީފް މުހައްމަދު އާއި ޗައިނާގެ ބީޔޫސީޖީގެ ފަރާތުން އެކުންފުނީގެ ޖެނެރަލް މެނޭޖަރ ލުއޯ ވޭއި އެވެ.
މިމަސައްކަތް އަންނަ ނޮވެމްބަރު މަހު ފަށާނެ ކަމަށާއި ދެ އަހަރާއި ބައިގެ ތެރޭ މަސައްކަތް ނިންމުމަށް ކަނޑައެޅިފައިވާ ކަމަށް އެމްއޭސީއެލް އިން ބުނެފައިވެއެވެ.
