ކ. މާލެ
|
27 ޖެނުއަރީ 2024 | ހޮނިހިރު 12:56
ހެނބަދޫގެ ޕޮލިސް ޕޯސްޓް ހުޅުއްވައިދެއްވަނީ
ހެނބަދޫގެ ޕޮލިސް ޕޯސްޓް ހުޅުއްވައިދެއްވަނީ
ޕޮލިސް
ޕޮލިސް ޕޯސްޓް ގާއިމްކުރުން
ނ.ޅޮހި އަދި ހެނބަދޫގެ ޕޮލިސް ޕޯސްޓް ރަސްމީކޮށް ހުޅުވައި ޚިދުމަތް ދޭން ފަށައިފި
 
ރާއްޖޭގެ ކޮންމެ ރަށެއްގައި ފުލުހުން ގާއިމްވެތިބުމަކީ މުހިންމު ކަމެއް
 
ކުށްމަދުކުރުމަށް ކުރެވޭ މަސައްކަތަށް ލިބޭ އިތުރު ބާރެއް

ރައްޔިތުންނާ ގާތުން ފުލުހުންގެ ހިދުމަތް ފޯރުކޮށްދިނުމަށް ކުރަމުންދާ މަސައްކަތުގެ ތެރެއިން ނ.އަތޮޅު ދެރަށެއްގެ ޕޮލިސް ޕޯސްޓް ރަސްމީކޮށް ހުޅުވައި ޚިދުމަތް ދޭން ފަށައިފިއެވެ.

ނ.ޅޮހި ޕޮލިސް ޕޯސްޓު އަދި ނ.ހެނބަދޫ ޕޮލިސް ޕޯސްޓު ރަސްމީކޮށް ހުޅުއްވައިދެއްވީ ކޮމިޝަނަރ އޮފް ޕޮލިސް އަލީ ޝުޖާއު އެވެ. އަދި އޭނާވަނީ މިދެ ޕޮލިސް ޕޯސްޓު ހުޅުއްވައި ދެއްވުމަށްފަހު ދިދަ ނަންގަވައިދެއްވާފައެވެ.

މިދެރަށުގައި ޕޮލިސް ޕޯސްޓު ހުޅުވިގެން ދިއުމަކީ ލިބޭ ކުރިއެރުމެއް ކަމަށާއި، ރައްޔިތުންނަށް ފޯރުކޮށްދޭ ރައްކާތެރިކަން އިތުރުވެ، ކުށްމަދުކުރުމަށް ކުރެވޭ މަސައްކަތަށް ލިބޭ އިތުރު ބާރެއް ކަމަށް ފުލުހުން ބުނެއެވެ.

އަތޮޅުތެރޭގެ ރަށްރަށުގައި ޕޮލިސް ޕޯސްޓުތައް ގާއިމްކުރުމާއި ގުޅޭގޮތުން ކޮމިޝަނަރ އޮފް ޕޮލިސް ވިދާޅުވީ ރާއްޖެއަކީ ދުނިޔެއަށް ހުޅުވިފައިވާ ގައުމަކަށްވެފައި، ކުށް ދައުރުވުން އެހެނިހެން ގައުމުތަކާއަޅާ ބަލާއިރު ހަލުވި ގައުމަކަށްވީތީ ރާއްޖޭގެ ކޮންމެ ރަށެއްގައި ފުލުހުން ގާއިމްވެތިބުމަކީ މުހިންމު ކަމެއްކަމަށެވެ. އަދި ދިވެހި ފުލުހުންގެ ޚިދުމަތުން ރައްޔިތުންނަށް ހިދުމަތްދިނުމުގަ އަމަލުކުރާ މައިގަނޑު އަސާސަކީ މުޖުތަމައުއާއި ގުޅިގެން ކުށުގެ ވެށި ދޫވިޔަ ނުދިނުމަށް މަސައްކަތްކުރުން ކަމުގައި ފާހަގަކޮށް، ކުށް އުފެދުމަށް ހުރި ހުރަސްތައް ކުށް ކުރުމުގެ ކުރިން ނައްތާލަން މަސައްކަތްކުރުން ކަމަށް ވިދާޅުވިއެވެ.

އެންމެ ފަހުން އަޕްޑޭޓް ކުރީ: 1 މަސްކުރި
ރިވިއު ކުރީ: ފާޠިމަތު ޒުހައިރާ
0%
0%
0%
0%
0%
0%
ކޮމެންޓް
ގުޅުންހުރި
ކަނޑުމަތީގައި ހިންގާ ޓެރަރިޒަމްގެ އަމަލުތަކުގައި ފުލުހުން އަމަލުކުރާނެ ގޮތުގެ ތަމްރީނު ޕްރޮގްރާމެއް ހިންގައިފި
ހުޅުމާލޭގައި ވެހިކަލެއްގެ ތެރޭގައި މަރުވެފައި އޮއްވައި ފެނުނު މީހާގެ މަރުގައި ތުހުމަތު ކުރެވޭ ފަދަ އެއްވެސް ކަމެއް ނެތް
މާލޭގައި ހިންގި މަސްތުވާތަކެތީގެ އޮޕަރޭޝަނެއްގައި ހައްޔަރުކުރި ފަސް މީހުންގެ ބަންދަށް 15 ދުވަސް ޖަހަައިފި
ބަނޑޭރިކޮށީގައި މަރުވެފައި އޮތް މީހާގެ ހަށިގަނޑު ޕޯސްޓްމޯޓަމް ހެދުމަށް ފޮނުވުމަށްޓަކައި ކުރަންޖެހޭ މަސައްކަތްތައް ދަނީ ކުރަމުން: ފުލުހުން
ބުޅަލަކަށް އަނިޔާކޮށް، އުސްފާރެއްގެ މަތިން ހޫރާލި މައްސަލައެއް ފުލުހުން ތަހުގީގުކުރަން ފަށައިފި
ހުޅުމާލޭގައި ޕާކުކޮށްފައި އޮތް ވޭންއެއްގައި މަރުވެފައި އޮތް މީހަކު ފެނިއްޖެ
މީހަކު ރަހީނުކޮށްގެން ފައިސާ ފޭރުނު މައްސަލައެއްގެ ތަހުގީގަށް ހޯދާ މީހެއްގެ ވަނަވަރު އާންމުކޮށްފި
ރޭޕް އެވިޑެންސް ކިޓް ބޭނުންކުރުން ލާޒިމްކުރަން ހުށަހެޅުން - ޖިންސީ ގޯނާގެ މައްސަލަތައް ހައްލުކުރަން އެޅޭ މުހިންމު ފިޔަވަޅެއް