ރާއްޖޭގައި ބަރަހަނާ ވެބްސައިޓުތަކަށް ނުވަދެވޭ ގޮތަށް، އެފަދަ ހުރިހާ ސައިޓުތަކެއް ބްލޮކް ކޮށްފިއެވެ.

މި ފަދަ ސައިޓްތައް ބްލޮކް ކުރުމަށް ކޮމިއުނިކޭޝަން އޮތޯރިޓީ އޮފް މޯލްޑިވްސް (ކޭމް)އަށް ސަރުކާރުން އެންގިކަން ކޭމްއިން ކަށަވަރުކޮށްދެއެވެ. މި ނިންމުމާއި ގުޅިގެން އެފަދަ އެއްވެސް ވެބްސައިޓަކަށް ރާއްޖޭގެ އެއްވެސް ނެޓްވޯކެއް މެދުވެރިކޮށް ނުވަދެވޭނެއެވެ.

މިއީ މިފަދަ ސައިޓުތައް ރާއްޖޭގައި ބްލޮކްކުރި ފުރަތަމަ ފަހަރެވެ. މި ނިންމުމާއި ގުޅިގެން ގިނަ ބަޔަކު ދަނީ ސޯޝަލް މީޑިއާގައި ސަރުކާރަށް ތައުރީފް ކުރަމުންނެވެ.

ރާއްޖޭގައި ބަރަހަނާ ވެބްސައިޓުތައް ބްލޮކް ކުރިނަމަވެސް ސަރުކާރާއި، ނެޓްވޯކް ޕްރޮވައިޑަރުންގެ ރަސްމީ ބަހެއް ނުލިބެއެވެ.