ރައްޔިތުންގެ މަޖިލިސް ހުއްޓުވާފައިވަނީ މިސަރުކާރުން ދައުލަތުގެ ހަޒާނާއިން ބިލިއަން ރުފިޔާ ވަގަށް ނެގި މައްސަލަ އާއި ކޮރަޕްޝަނުގެ މައްސަލަތައް ބަލާފާނެތީ ކަމަށް ރައްޔިތުންގެ މަޖިލީހުގެ ވިލިނގިލީ ދާއިރާގެ މެމްބަރު ސައުދު ހުސައިން ވިދާޅުވެއްޖެ އެވެ.
ސައުދު ކުރެއްވި ޓްވީޓެއްގައި ވިދާޅުވެފައިވަނީ މިހާރު ހިންގަމުންދާ ރިޔާސީ ދައުރުގައި ދައުލަތުގެ ހަޒާނާއިން އެތައް ބިލިއަން ރުފިޔާއެއް ވަނީ ވަގަށް ނަގާފައި ކަމަށެވެ. މި ވައްކަމުގެ ފެށުމާއި ނިމުން ހޯދޭނީ މަޖިލިސް ތެރެއިން ކަމަށް ސައުދު ވިދާޅުވި އެވެ.
މީގެއިތުރުން ސައުދު ވިދާޅުވީ ދައުލަތުގެ ހަޒާނާއިން ވަގަށް ނަގާފައިވާ ބިލިއަން ރުފިޔާގެ ހަގީގަތް މަޖިލިސް މެދުވެރިކޮށް ބަލާނެތީ، މަޖިލިސް ހުއްޓުވުމަށްފަހު ގާނޫނުއަސާސީއާ ހިލާފު ވަމުންދާ ކަމަށްވެސް ސައުދު ވިދާޅުވި އެވެ.
Mi riyaasy dhauruga Dhaulathuge khazanaa in ethah billion RF eh vany vagan nagafa. Mi vakkamuge feshumai nimun hoadheyny majlis therein 1/2.
— Saud Hussain MP (@SaudVillingili) July 21, 2017
Dhaulathuge khazanaa in vagan nagafaivaa billion RF ge hageegai majlis medhuverikoh balaanethy majlis huttuvaafa QA khilaaf vamun midhany2/2
— Saud Hussain MP (@SaudVillingili) July 21, 2017
ސައުދު އެގޮތަށް ވިދާޅުވިއިރު، ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދު މަޖިލިސް ކުރިއަށް ގެންދަނީ މަޖިލީހުގެ ގަވާއިދާ ހިލާފަށް ކަމަށް ތަކުރާރުކޮށް މަޖިލީހުގެ ގިނަ މެމްބަރުން މަޖިލީހުގެ ތަޅުމުގައި ގޮވާލައްވާފައިވެއެވެ. މަޖިލީހުގެ ރައީސް މަސީހު ތަކުރާރުކޮށް މަޖިލީހުގެ ގަވާއިދާއި އެއްގޮތަށް މަޖިލީހުގެ ކަންކަން ކުރައްވަމުން ނުގެންދަވާކަމަށް ބުނެ، ގުޅިފައިވާ ސިޔާސީ ޕާޓީތަކުގެ ޖޮއިންޓް ޕާލިމެންޓްރީ ގްރޫޕާއި ސަރުކާރަށް ނިސްބަތްވާ ރައްޔިތުންގެ މަޖިލީހުގެ 11 މެމްބަރުންނާއެކު، ޖުމްލަ 45 މެމްބަރުންގެ ސޮޔާއެކު މަސީހުގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައި ވަނިކޮށް އެމައްސަަލަ މަޖިލީހުން ބޭރުކޮށްލާފައެވެ.
މަސީހުގެ އިތުބާރުނެތް ކަމުގެ މައްސަލަ މަޖިލީހުން ބޭރުކޮށްލާފައިވަނީ މެމްބަރު ސައުދުގެ އިތުރުން، މަސީހުގެ އިތުބާރު ނެތްކަމުގެ މައްސަލައިގައި ސޮއި ކުރެއްވި އިތުރު ތިން މެމްބަރުންގެ ގޮނޑި ގެއްލިފައިވާ ކަމަށް މަޖިލީހުން ނިންމާ، އެމައްސަލައިގެ ސައްހަކަމެއް ނެތްކަމަށް ބުނެއެވެ.
