ޑިސެމްބަރު މަހު ގަތަރުގައި ބޭއްވި ވޯލްޑްކަޕަށް ފަހު ފުރަތަމަ ފަހަރަށް އަނެއްކާ ވެސް ޖަރުމަނު ޓީމުން ތޯމަސް މުލާ އަށް ޖާގަދީފި އެވެ.
އުމުރުން 33 އަހަރުގެ ބަޔާން މިއުނިކްގެ ފޯވަޑް ކޯޗު ހަންސީ ފްލިކް ޖާގަ ދިނީ އަނިޔާގެ ސަބަބުން ފޯވަޑް ނިކޮލަސް ފުލްކްރަގް ބާކީކުރަން ޖެހުމުންނެވެ.
މުލާ ވަނީ މިހާތަނަށް ގައުމީ ޓީމަށް 121 މެޗު ކުޅެދީފަ އެވެ. އޭނާ އެންމެ ފަހުން ކުޅުނީ ގަތަރުގައި މިދިޔަ އަހަރު ބޭއްވި ވޯލްޑްކަޕުގަ އެވެ. އެ މުބާރާތުން ޖަރުމަނު ކެޓީ ފުރަތަމަ ބުރުންނެވެ. މިހެންވެ މުލާ ބުނީ ގައުމީ ޓީމަށް ދެން ކުޅުން ނިމުނީ ކަމަށެވެ. ނަމަވެސް ފަހުން ނިންމުން ބަދަލުކޮށް ގައުމީ ޓީމަށް ގޮވާލައިފިނަމަ ކުޅެން ތައްޔާރުކަމަށް ބުންޏެވެ.
މިހެންވެ ބެލެވެނީ އަންނަ އަހަރު ބާއްވާ ޔޫރޯގައި މުލާ ކުޅޭނެ ކަމަށެވެ.
ޖަރުމަނު މި އަހަރު ކުޅުނު ފަސް މެޗުގެ ތެރެއިން މޮޅުވީ އެންމެ މެޗަކުންނެވެ. މިހާރު ތައްޔާރުވަމުން އަންނަނީ ޖަޕާނާއެކު އެކުވެރިކަމުގެ މެޗެއް ކުޅުމަށެވެ. ވޯލްޑްކަޕުން ޖަރުމަނު ކަޓަން ޖެހުނު މައިގަނޑު އެއް ސަބަބަކީ ޖަޕާން އަތުން ބަލިވުމެވެ.
