އަނިޔާގެ ސަބަބުން ނުކުޅެ ހުއްޓަސް ކެޕްޓަން ކޭން ވިލިއަމްސަން ނިއުޒީލޭންޑްގެ ކްރިކެޓް ވޯލްޑްކަޕް ކަޕް ސްކޮޑުގައި ހިމަނަން ނިންމައިފި އެވެ.

އޭނާގެ އިތުރުން ޓީމުގައި ހިމެނޭ ކުޅުންތެރިން އިއުލާނުކުރާނީ އަންނަ ހޯމަ ދުވަހު އެވެ.

އުމުރުން 33 އަހަރުގެ ކުޅުންތެރިޔާގެ ލިގަމެންޓަށް ލިބުނު އަނިޔާގެ ސަބަބުން މިދިޔަ އޭޕްރީލް މަހުން ފެށިގެން އޭނާ ގެންދަނީ ފަރުވާކުރަމުންނެވެ. ނަމަވެސް އަންނަ މަހު އިންޑިޔާގައި ފަށާ ވޯލްޑްކަޕަށް އޭނާ ސްކޮޑުގައި ހިމަނަން ކޯޗު ވަނީ ނިންމާފަ އެވެ.

ނިއުޒީލޭންޑުން ބުނެފައިވަނީ ކެޕްޓަންގެ އަނިޔާ ރަނގަޅުވަމުން އަންނަ މިންވަރާމެދު ހިތްހަމަޖެހޭ ކަމަށާއި ނަމަވެސް އޮކްޓޫބަރު ފަހެއްގައި އިންގްލޭންޑާ ދެކޮޅަށް ކުޅޭ މެޗަށް އޭނާ ފިޓްވާނެ ކަމާމެދު ޝައްކު ކަމަށެވެ.

އޭނާ އަދި ބުނީ މެޗުތަކަށް ފުރިހަމައަށް ތައްޔާރުނުވެވުނަސް ވިލިއަމްސަން ފަދަ ކުޅުންތެރިއަކު ޓީމުގައި ހުރުމަކީ ވެސް ވަރަށް ބޮޑު ހިތްހަމަޖެހުމެއް ކަމަށެވެ.

ވިލިއަމްސަނަކީ 2019 ވަނަ އަހަރުގެ ކްރިކެޓް ވޯލްޑްކަޕް ފައިނަލުން ނިއުޒީލޭންޑް ބަލިވިއިރު ވެސް ޓީމުގެ ކެޕްޓަނެވެ. އޭނާ އަކީ ކްރިކެޓްގެ ހުރިހާ ފޯމެޓެއްގައި ވެސް ނިއުޒީލޭންޑްގެ އެންމެ ކާމިޔާބު އެއް ބެޓްސްމަނެވެ. އެއްދުވަހުގެ 161 މެޗުގައި އޭނާވަނީ މިހާތަނަށް 6554 ލަނޑު ހަދައިފަ އެވެ. މިއީ މެޗަކަށް 47.83 ލަނޑެވެ.