ފުވައްމުލަކުން މީހަކު ގެއްލިގެން ހޯދަމުންދާ ކަމަށް ފުލުހުން ބުނެފި އެވެ.

"ރާއްޖެއެމްވީ"އަށް މައުލޫމާތު ދެމުން ފުލުހުންގެ މީޑިއާ އޮފިޝަލް ހޮނިހިރު ދުވަހު ވިދާޅުވީ ފުވައްމުލަކުން 49 އަހަރުގެ ފިރިހެނަކު ގެއްލިގެން ހުކުރު ދުވަހުގެ ރޭ 12:05 ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.

ފުލުހުންގެ މީޑިއާ އޮފިޝަލް ވިދާޅުވީ އޭނާ ހޯދުމުގެ މަސައްކަތް ފުލުހުން ކުރަމުންދާ ކަމަށާއި ނަމަވެސް މިހާތަނަށް އޭނާ ފެނިފައިނުވާ ކަމަށެެވެ.

އެނގިފައިވާ ގޮތުން ގެއްލިގެން ހޯދަމުންދަނީ، ފުވައްމުލަކު އޮޅުތެރޭގޭ މުހައްމަދު ޝަފީއުއެވެ. އޭނާ ގެއިން ނުކުމެގެން ދިޔައީ ހުކުރު ދުވަހުގެ ރޭ 11:30 އެހާކަންހާއިރު ކަމަށާއި އޭގެފަހުން އޭނާ ނުފެންނަ ކަމަށް އާއިލާއާ ހަވާލާދީ ފުލުހުން ބުނެއެވެ.