އެމެރިކާގެ އިންޓަމިއާމީގައި އާޖެންޓީނާގެ ކެޕްޓަން ލިއޮނަލް މެސީ އަށް އަހަރަކު 60 މިލިއަން ޕައުންޑް ލިބޭނެ ކަމަށް އެމެރިކާގެ ނޫސްތަކުން ބުނަން ފަށައިފި އެވެ.
ބާސެލޯނާގެ ކުރީގެ ކެޕްޓަން މިއާމީއާ ގުޅުނު ނަމަވެސް ރަސްމީ އެއްބަސްވުންތަކުގައި އަދި ސޮއިނުކުރެ އެވެ. ނަމަވެސް ޑޭވިޑް ބެކަމްގެ ހިއްސާ އޮންނަ ކުލަބުން މިހާރު ދަނީ އެންމެ ފަހުގެ ލިޔެކިއުންތައް ޗެކްކޮށް މެސީ އެކުލަބުގެ ކުޅުންތެރިއެއްގެ ގޮތުގައި ދައްކާލުމުގެ މަސައްކަތް ކުރަމުންނެވެ.
މިއާމީގެ ވެރިޔާ ޖޯޖް މަސް ވިދާޅުވީ މެސީގެ މުސާރަ އުޅޭނީ 50 މިލިއަން ޑޮލަރާއި 60 މިލިއަން ޑޮލަރުގައި ކަމަށެވެ.
"2019 ވަނަ އަހަރު އަހަރުމެން ވިސްނަން ފެށިން މެސީ މި ކުލަބަކަށް ގެނެވޭނީ ކޮންގޮތަކުންތޯ. އޭނާ ގެނައުމުގައި މުސާރައިގެ އިތުރުން ޓީވީ ރައިޓްސްއިން ލިބޭ ފައިސާ އަކީ ވަރަށް މުހިންމު ދައުރެއް ކުޅުނު ކަމެއް. ދެން އެޕަލް ޑީލަކީ ވެސް މެސީ ގެނައުމަށް މަގުފަހިވިކަމެއް،" މެސީ އަށް ފައިސާ ލިބޭނެ ގޮތްތަކާ މެހޭ ގޮތުން ޖޯޖް ވިދާޅުވިއެވެ.އިންޓަ މިއާމީގެ ވެރިޔާ
މެސީ އިންޓަ މިއާމީ އަށް ކުޅެން ނިންމީ ވަރަށް ގިނަ ހުށަހެޅުންތަކެއް ލިބިފައިވަނިކޮށެވެ. ހާއްސަކޮށް ސައޫދީ ލީގަށް ބަދަލުވުމަށް ލިބުނު 600 މިލިއަން ޑޮލަރުގެ އޮފާ ފާހަގަކުރެވެ. މީގެ އިތުރުން ބާސެލޯނާ ވެސް އޮތީ މެސީ އަލުން ގެންދިއުމަށް ތައްޔާރަށެވެ. ނަމަވެސް އެކުލަބުގެ މާލީ ހާލަތު އެކަމަށް ތަނެއް ނުދެ އެވެ.
ބާސެލޯނާގެ ރައީސް ޖޯން ލަޕޯޓާ ވިދާޅުވީ މެސީ އެނބުރި އެކުލަބަށް ނައީ ޕްރެޝަރ ނަގަން ބޭނުންނުވާތީ ކަމަށެވެ.
