ދައުލަތުގެ ބަންޑާރަނައިބު ހުށަހެޅުއްވި ގޮތައް ރައްޔިތުންގެ މަޖިލީހުގެ މެންބަރުންގެ ގޮނޑި ގެއްލޭނެކަމަށް ސުޕްރީމް ކޯޓުން ކުރި ހުކުމާއެކުވެސް ހިތްވަރު ބަލިނުވާކަން ޝުޢޫރުތަކުން ހާމަވެއްޖެއެވެ.
އެކަން ހާމަވެފައިވަނީ ސުޕްރީމް ކޯޓުން ކުރި ހުކުމަށްފަހު ކޮށްފައިވާ ޓްވީޓް ތަކުންނެވެ.
އަދާލަތު ޕާޓީއަށް ނިސްބަތްވެވަޑައިގަންނަވާ ރައްޔިތުންގެ މަޖިލީހުގެ މަކުނުދޫ ދާއިރާގެ މެންބަރު އަނާރާ ނައީމް ކުރެއްވި ޓްވީޓުގައި ވިދާޅުވީ މިއަދަކީ ދިވެހިރާއްޖޭގެ ދުސްތޫރީ ޙަޔާތުގައި ކަޅު ދުވަހެއް ކަމަށެވެ.
Miadhakee dhivehirajjeyge dhusthooree hayaathuga kalhu dhuvaheh.
— Anara Naeem (@AnaraNaeem) July 13, 2017
އެމްޑީޕީއަށް ނިސްބަތްވެވަޑައިގަންނަވާ ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ސިފަކުރެއްވީ މަރަށް ތެޅޭ ނަފްސު ސަލާމަތް ކުރުމުގެ ފިޔަވަޅެއް ކަމަށާއި ތޮބީއަތާ ދެކޮޅު މިފަދަ ކަންކަން ސަޅިކޮށް ވަރަށް އަވަހަށް ފުނޑުފުނޑުވެގެން ދާނެ ކަމަށެވެ.
Marah thelhey nafusu salaamaiy kurumuge fiyavalheh.Thobi'athaa dhekolhu mifadha kankan salhikoh varah avahah fundufunduvegen dhaane. #45+
— Imthiyaz Fahmy (@Imthiyazfahmy) July 13, 2017
ދީނީ އިލްމުވެރިޔާ، އަދި ކުރީގެ އިސްލާމިކް މިނިސްޓަރ ޑރ ޢަބްދުލް މަޖީދު ޢަބްދުލް ބާރީ ވިދާޅުވީ "ވަރިކޮށްފަ ވަރި ނުކުރަމޭ ބުންޏަސް ވަރި ނުވާކަމަކަށް ނުވާނެ ކަމަށާއި ޕާޓީން ވަކިކުރީމަ އެވަނީ ވަކިވެފައި ކަމަށެވެ."
Vari kohfa vari nukuramey bunchas vari nuva kamakah nuvane,
— Abdul Majeed A.Bari (@amajyd) July 12, 2017
Party in vaki kureema e vanee vaki vefa.
#45
ކުރީގެ ބަންޑާރަނައިބު އަދި މަޝްހޫރު ޤާނޫނީ ވަކީލު ހުސްނުއް ސުއޫދު ވިދާޅުވީ "ފަނޑިޔާރަކުޤާނޫން އަސާސީ ބަދަލުކޮށްފިނަމަ ފަނޑިޔާރުކަން ގެއްލޭނެ ކަމަށެވެ."
Fandiyaaraku qaanoon asaasee badhalukoffinama, fandiyaarukan gelleyne.
— Husnu Al Suood (@hsuood) July 13, 2017
ސުޕްރީމް ކޯޓުން ކުރި ހުކުމަށް އިޝާރާތް ކުރައްވާ ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެންބަރު ރޮޒައިނާ އާދަމް ވިދާޅުވީ "ޑިފެކްޝަން ޤާނޫނަކަށް ބޭނުންވާ ބަދަލުތައް ޤާނޫން އަސާސީއަށް ނުގެނެސް ޑިފެކްޝަން ޤާނޫނެއް ނުހެދޭނެ ކަމަށާއި ޑިފެކްޝަން ޤާނޫނަކަށް ޤާނޫން އަސާސީން މިހާރު ތަން ނުދޭ"ކަމަށެވެ.
We cannot make a defection law without bringing relevant changes to the constitution. The constitution doesn't give space 4a defection law.
— MP Rozaina Adam (@Roxeyna) July 13, 2017
ރައްޔިތުންގެ މަޖިލީހުގެ ދަނގެތީ ދާއިރާގެ މެންބަރު އިލްހާމް އަހުމަދު ވިދާޅުވީ ކާމިޔާބާއި ނަސްރު އޮތީ ވަރަށް ގާތުގައި ކަމަށާއި ހަޤީގަތަކީ އެއީ ކަމަށެވެ.
"ހިތްވަރޭ ހިތްވަރޭ ގައުމީ ޓީމަށް ހިތްވަރޭ. ކާމިޔާބާ ނަސްރު އޮތީ ގާތުގައި ދިސް އިސް ރިއަލިޓީ" އިލްހާމް ވިދާޅުވިއެވެ.
Hivvarey hivvarey gaumee team ah hivvarey. Kaamiyaabaa nasru othee dhaadhi gaathuga. ⁰This is Reality
— MP lIham ahmed (@MP_ilhamahmed) July 13, 2017
