ރައީސް އަބްދުﷲ ޔާމީން އަކީ ގޮތް ދޫނުކުރައްވާ ބޯހަރު ރައީސެއް ކަމަށް ދިއްދޫ ދާއިރާގެ މެމްބަރު އަބްދުއް ލަތީފް މުހައްމަދު ވިދާޅުވެއްޖެ އެވެ.
ގުޅިފައިވާ ޕާޓީތަކުގެ މެމްބަރުން މިހާރު ބާއްވަމުންދާ ނޫސްވެރިންގެ ބައްދަލުވުމުގައި މެމްބަރު ލަތީފް ވިދާޅުވީ ރައީސް އަބްދުﷲ ޔާމީންއަކީ އެއްވެސް ބޭފުޅަކާ މަޝްވަރާ ކުރައްވާ ބޭފުޅެއް ނޫން ކަމަށެވެ.
ލަތީފް ވިދާޅުވީ ރައީސް އަބްދުﷲ ޔާމީނަށް އެއްވެސް ފަރާތެއްގެ ލޯތްބެއް ލިބިގެން ނުދިޔަ ކަމަށާއި ރައްޔިތުންގެ ލޯތްބެއް މެމްބަރުންގެ ލޯތްބެއް، ގޭތެރެއިން ވެސް ލޯތްބެއް ލިބިގެން ނުދިޔަ ކަމަށެވެ.
"އުއްތަމަ ފަނޑިޔާރުގެ ލޯތްބެއް ވެސް ނުލިބޭނެ،" ރައްޔިތުންގެ މަޖިލީހުގެ ރައީސް އަބްދުﷲ މަސީޙުގެ އިތުބާރު ނެތްކަމުގެ މައްސަލައިގައި ފަހު ބަސް ބުނާނީ ސުޕްރީމް ކޯޓުން ކަމަށް އަންގާރަ ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި ރައީސް ޔާމީން ވިދާޅުވެފައިވާތީ، އެކަމަށް ވެސް ރައްދު ދެއްވުމުގެ ގޮތުން ލަތީފް ވިދާޅުވި އެވެ.
