.ޕީޕީއެމްގެ މިހާރު އޮތް ލީޑަޝިޕާއެކު އަލުން ގުޅުމަށް ވުރެ ނާށިގަނޑު ހިފައިގެން ސަލާންޖެހުން މާރަނގަޅުވާނެ ކަމަށް، ޕީޕީއެމްއިން ވަކިވެވަޑައިގެންފައިވާ މައްޗަންގޮޅީ  ދެކުނު ދާއިރާގެ މެމްބަރު އަބްދުﷲ ސިނާން ވިދާޅުވެއްޖެ އެވެ. 

.

.މިހާރު ރާއްޖޭން ބޭރުގައި ހުންނެވި ސިނާން ރާއްޖެއެމްވީއާ ވާހަކަ ދައްކަވަމުން ވިދާޅުވީ ޕީޕީއެމްއާ އަލުން ގުޅުމަށް ދައުވަތު ދެއްވި ނަމަވެސް، އެ ދައުވަތު ގަބޫލް ނުކުރައްވާ ކަމަށެވެ.

"އެ ބޭފުޅުންނަކީ އިހްލާސްތެރި ބައެއް ނޫން. އަލުން މިހާރު އޮތް ޕީޕީއެމްގެ ލީޑާޝިޕާއެކު މަސައްކަތް ކުރުމަކީ ނެތްކަމެއް. އެއަށް ވުރެ ރަނގަޅުވާނެ، މުންޑުބުރީގައި ނާށިގަނޑު ހިފައިގެން މަގު މައްޗަށް ނުކުމެ ސަލާންޖެހުން ވެސް،" ރައީސް އަބްދުﷲ ޔާމީނާއެކު ވަރަށް އަރިސްކޮށް އުޅުއްވި ސިނާން ވިދާޅުވި އެވެ
. 

.ސިނާން ވިދާޅުވީ ރައީސް މައުމޫނާއި ރައީސް ނަޝީދު އަދި ގާސިމް އިބްރާހިމް ހައްޔަރުކޮށްގެން ވެސް، ޕީޕީއެމް އަށް މެމްބަރަކު އިތުރެއް ނުވާނެ ކަމަށެވެ. 

މަޖިލީހުގެ ރައީސް އަބްދުﷲ މަސީހުގެ އިތުބާރު ނެތްކަމުގެ މައްސަލައިގައި 45 މެމްބަރަކު ސޮއި ކުރައްވާފައިވާއިރު ޕީޕީއެމްގެ 11 މެމްބަރަކު ސޮއި ކުރެއްވި އެވެ. އޭގެ ތެރެއިން 10 މެމްބަރަކު ވަނީ ޕާޓީން ވަކިވެވަޑައިގެންފަ އެވެ.