ޖަޕާން އިންޓަރނޭޝަނަލް ކޯޕަރޭޝަން އެޖެންސީ (ޖައިކާ)ގެ އެހީގައި ހިންގާ މަޝްރޫއު، "ޑިޒާސްޓަރ ރެޒިލިއަންސް އެންހޭންސްމަންޓް އިން މާލެ" ގެ ޕްރެޕަރޭޓަރީ ސަރވޭތަކުގެ ފަހުމްނާމާގައި ސޮއިކޮށްފިއެވެ.
ބުރާސްފަތި ދުވަހު ބޭއްވި ޚާއްސަ ރަސްމިއްޔާތެއްގައި މި ފަހުމުނާމާގައި، މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ޝާނާ ފާރޫގެވެ. އަދި ޖަޕާން އިންޓަރނޭޝަނަލް ކޯޕަރޭޝަން އޭޖެންސީގެ ފަރާތުން ސޮއިކުރެއްވީ ޕްރިޕަރޭޓަރީ ސަރވޭ ޓީމުގެ ލީޑަރު ޓުސުކިޒޮއި މެގުމިއެވެ.
މި ފަހުމުނާމާގެ ދަށުން ދެ މަޝްރޫއެއް މާލޭގައި ކުރިއަށްގެންދާނެއެވެ. އެއީ މާލޭގެ އެއްގަމު ތޮށި އަޕްގްރޭޑްކުރުމާއި، މާލޭގެ ފެން ހިންދާ ނިޒާމް އަޕްގްރޭޑްކުރުމެވެ.
