ރައިސް ޔާމީން އެ ވިދާޅުވާ ފައިސާ ޖަމާވެފައި ވަނީ އެމަނިކުފާނުގެ އެކައުންޓަށް ކަމަށް އަދީބުގެ ގާނޫނީ ވަކީލު މޫސާ ސިރާޖު ވިދާޅުވެއްޖެއެވެ.
ސިރާޖު މިހެން ވިދާޅުވީ ޖަލަށް ލާފައިވާ ކުރީގެ ނައިބު ރައީސް އަހުމަދު އަދީބު ބޭސް ފަރުވާއަށް ރާއްޖެއިން ބޭރަށް ވަޑައިގެންނެވޭނީ އެމްއެމްޕީއާރުސީން ނެގި ފައިސާތައް ދެއްވުމަށް ފަަހު ކަމަށް ރައީސް އަބްދުﷲ ޔާމީން ވިދާޅުވުމުން ކުރެއްވި ޓްވީޓެއްގައެވެ.
ސިރާޖު ވިދާޅުވީ އެސްއޯއެފް އިން ލާރި ޖަމާވެފައި ވަނީ ރައީސް ޔާމީންގެ އެކައުންޓަށް ކަމަށާއި އަދީބުގެ އެކައުންޓަށް ނޫން ކަމަށެވެ. އަދި އޭސީސީގެ ރިޕޯޓް ތައްޔާރު ނުވެ ލަސް ވަނީ ރައީސް ޔާމީން ބަޔާން ދެއްވުމަށް ފަސްޖެހޭތީ ކަމަށް ސިރާޖުގެ ޓްވީޓުގައި ވިދާޅުވެފައި ވެއެވެ.
SOF in laari jamaa vefa vani RY ge a/c ah. VP Adeeb ge a/c akah nun.
— Moosa Siraj (@MoosesSiraj) July 11, 2017
ACC ge report thahyaaru nuve las vane RY bayaan dhinumah fasjeheythe.
މީގެ އިތުރުން އަދީބުގެ ވަކީލުކަން ކުރައްވާ މަހުފޫޒު ސައީދު ކޮށްފައިވާ ޓްވީޓެއްގައި ވެސް ވިދާޅުވެފައި ވަނީ އެމްއެމްޕީއާރުސީން ގެއްލުނު ފައިސާ ދައްކަން އަދީބުގެ މައްޗަށް ޝަރުއީ ހުކުމެއް ނެތް ކަމަށެވެ.
MMPRC in gellunu faisaa dhaulathah dhakkan Adeeb ge mahchah sharuee hukumeh neh!
— Mahfooz Saeed (@MahfuzSayd) July 11, 2017
އަންގާރަ ދުވަހުގެ ރޭ ޕީޕީއެމް އޮފީހުގައި ބޭއްވި ޕްރެސްގައި ރައީސް ޔާމީން ވިދާޅުވީ ދައުލަތުން ނެގި ހުރިހާ ފައިސާއެއް އަނބުރާ ދެއްކުމަށް ފަހު، އަދީބު ރާއްޖެއިން ބޭރަށް ބޭސްފަރުވާއަށް ވަޑައިގަންނަވަންވީ ކަމަށެވެ.
