އެސްޓީއޯ އިން ވިއްކާ ތެލުގެ އަގު އަނެއްކާވެސް ހެޔޮކޮށްފިއެވެ.

އެސްޓީއޯ އިން ބުނީ ބުރާސްފަތި ދުވަހުގެ ރޭ 12:00 އިން ފެށިގެން ޕެޓްރޯލް ލިޓަރަކުން 41 ލާރި އަދި ޑީސަލް ލިޓަރަކުން 63 ލާރި ހެޔޮކޮށްފައިވާ ކަމަށެވެ.

މި ބަދަލާ އެކު މިހާރު ޕެޓްރޯލް ލިޓަރެއްގެ އަގަކީ 14.73ރ. އެވެ. އަދި ޑީސަލް ލިޓަރެއްގެ އަގަކީ 15.07ރ. އެވެ.

މިދިޔަ މަހު ވެސް އެސްޓީއޯ އިން ޕެޓްރޯލާއި ޑީސަލްގެ އަގު ހެޔޮކުރިއެވެ.

މެއި މަސް ފެށުމުގެ ކުރިން ޑީސަލް ލިޓަރެއްގެ އަގަކީ 16.32ރ. އެވެ. މެއި މަހުގެ 1 ވަނަ ދުވަހުން ފެށިގެން 62 ލާރި ހެޔޮކޮށް، ލިޓަރެއްގެ އަގު 15.70ރ. އަށް ދަށްކުރި އެވެ. ޕެޓްރޯލް ލިޓަރެއްގެ އަގު 15.97ރ. އިން 15.14ރ. އަށް ދަށްކުރި އެވެ. މިއީ 83 ލާރީގެ ދަށްވުމެކެވެ.