ރައްޔިތުންގެ މަޖިލީހުގެ ތިނަދޫ އުތުރު ދާއިރާގެ މެމްބަރު ސައުދުﷲ ހިލްމީ ވެސް ޕީޕީއެމް މެމްބަރު ކަމުން ވަކިވެވަޑައިގަންނަވައިފި އެވެ.
ޕީޕީއެމްގެ ސެކެރެޓަރީ ޖެނެރަލް އަބްދުﷲ ހަލީލްއަށް ހޯމަ ދުވަހު ސައުދުﷲ ފޮނުއްވި ސިޓީގައި ވަނީ ވަނީ ރާއްޖޭގެ ސިޔާސީ މަޝްރަހް މިވަގުތު ހުރިގޮތުން އެއްވެސް ސިޔާސީ ޕާޓީއެއްގައި ހުރުމަށް ނުފެންނާތީ އާއި އޭނާގެ ދާއިރާގެ މެމްބަރުން ވެސް އެގޮތަށް އެދޭތީ ހޯމަ ދުވަހުން ފެށިގެން ޕީޕީއެމްގެ މެމްބަރުންކަމުން ވަކި ކޮށްދިނުމަށް އެދޭ ކަމަށެވެ.
Miadhunfeshigen alhugan'du mivaguthah PPM in vaki vejjain. pic.twitter.com/FTnN6FIN3T
— Saudulla (@saudullahilmy) July 10, 2017
ސައުދުﷲގެ އިތުރުންވެސް ޕީޕީއެމަށް ނިސްބަތްވާ މަޖިލިސް ގިނަ މެމްބަރުންތަކެއް ދަނީ އެޕާޓީން ވަކިވެވަޑައިގަންނަވަމުންނެވެ.
އެގޮތުން ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދުގެ އިތުބާރުނެތްކަމުގެ މައްސައިގައި ސޮއިކުރެއްވި ޕީޕީއެމް މެމްބަރުންގެ ތެރެއިން އިސްދޫ ދާއިރާގެ މެމްބަރު އަހުމަދު ރަޝީދުއާއި ފުވައްމުލަކު އުތުރު ދާއިރާގެ މެމްބަރު އަލީ ޝަހް ފިޔަވާ އެހެން ހުރިހާ މެމްބަރުން ވަނީ ޕާޓީން ވަކިވެވަޑައިގެންފަ އެވެ.
މަސީހުގެ އިތުބާރު ނެތްކަމުގެ މައްސަލައިގައި ޕީޕީއެމަށް ނިސްބަތްވާ 11 މެމްބަރަކު ސޮއި ކުރައްވާފައިވެއެވެ.
