ޗެނަލް 13 އިން ރޭ ދެއްކި "ނަނާހުވަފެން" ޕްރޮގްރާމުގައި ކުރީގެ ރައީސް މައުމޫނު އަބްދުލް ގައްޔޫމްގެ އަބުރުފުޅު ގެއްލޭފަދަ ކޮންޓެންޓްތައް ހިމަނާފައިވާތީ، ގިނަ ބައެއްގެ ފާޑުކިޔުން އެ ޗެނެލަށާއި، ބްރޯޑްކާސްޓިން ކޮމިޝަނަށް އޮއްސާލައިފި އެވެ.
ހޯމަ ދުވަހުގެ ރޭ ގެނެސްދިން މި ޕްރޮގްރާމް ބެލި ބައެއް މީހުން ޕްރޮގްރާމްގެ ސްކްރީން ޝޮޓްތައް ވަނީ ސޯޝަލް މީޑިއާގައި ހިއްސާކޮށްފައެވެ. އަދި ގިނަ ބަޔަކު އަންނަނީ އެކަމާއި ހިތްހަމަ ނުޖެހުން ފާޅުކޮށް ޝުއޫރުތައް ފާޅުކުރަމުންނެވެ. އަދި މީޑިއާތަކުގެ ބެލެނި ވެރި ފަރާތުގެ ގޮތުގައި އޮންނަ، މޯލްޑްވްސް ބްރޯޑްކާސްޓިން ކޮމިޝަނަށްވެސް ގިނަ ބަޔަކު ދަނީ ފާޑުކިޔަމުންނެވެ.
އެގޮތުން ރައްޔިތުންގެ މަޖިލީހުގެ މަޑުއްވަރީ ދާއިރާގެ މެންބަރު މުހައްމަދު އަމީތު ކުރައްވާފައިވާ ޓްވީޓެއްގައި އެ މަންޒަރުތައް ދެއްކި ޗެނަލަށް ނިސްބަތްކޮށް ވިދާޅުވީ، މި ދަރަޖައަށް ޗެނަލްއެއްގެ ހާލަތު ދިޔައިރު، މީޑިއާ ރެގިއުލޭޓްކުރުމުގެ ޒިންމާ ހަވާލުކުރި ބްރޯޑްކާސްޓިން ކޮމިޝަން ކޮބައިތޯއެވެ؟
Mi dharaja ah @Ch13official ge haalathu dhiya iru kobaitho Media regulate kurumuge zimmaa havaalukuri Broadcasting Commission? pic.twitter.com/AdMn66PBmj
— Mohamed Ameeth (@MohamedAmeeth) July 9, 2017
އެ ޗެނަލްގެ މި އަމަލާމެދު ރައްޔިތުންގެ މަޖިލީހުގެ ގިނަ މެންބަރުން ތަކެއް ވަނީ ވަރަށް ބޮޑަށް ހިތްހަމަނުޖެހުން ފާޅުކުރައްވާފައެވެ. އެގޮތުން ތިނަދޫ އުތުރު ދާއިރާގެ މެންބަރު ސައުދުއްﷲ ހިލްމީ ވިދާޅުވީ، "މީ އަޅުގަނޑުމެނގެ ހާލަތު. ދެން ފުކެއް ބޮޑުވަރު. އަބުރު އަދިވެސް އަބުރު ދެންވެސް އަބުރު. ބްރޯޑްކޮމްއަށް ވަރަށް ވެދުން" އެވެ.
Mee alhugandumenge haalathu? Dhen fukeh boduvaru! Aburu, aburu, adhives aburu, dhenves aburu, BC ah varah vedhun! pic.twitter.com/Ugu5hlzeNn
— Saudulla (@saudullahilmy) July 9, 2017
ރައްޔިތުންގެ މަޖިލީހުގެ އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ވިދާޅުވީ، " ކޮބާ އަބުރުގެ ގާނޫނު. ކޮބާ ބްރޯޑްކާސްޓިން ކޮމިޝަން. ކޮބާ މީޑިއާ ކައުންސިލް. ރާއްޖެޓީވީ ފަހާދުވުން ދޯ އަދިވެސް އޮތީ. ލަދެއް ނުގަނޭ" އެވެ.
Kobaa aburuge qanoon? Kobaa broadcasting commission? Kobaa media council? @Raajje_tv fahaa dhuvan dho adhives thibee! Ladheh nuganeyey! https://t.co/wTs7Ewu8IM
— MP Rozaina Adam (@Roxeyna) July 9, 2017
ތުލުސްދޫ ދާއިރާގެ މެންބަރު އިބްރާހިމް ވަހީދު ވަނީ، ބްރޯޑްކާސްޓިން ކޮމިޝަނަށް މިފަދަ ކަންކަން ނުފެންނަމަ ފެންނަންވީ ރައްޔިތުންގެ މަޖިލީހަށް ތޯ ސުވާލުކުރައްވާފައެވެ. އަދި ފެންނަނީ ވަކި ބަޔަކު އެކަން ކުރުމުންތޯ ވައްޑެ ވަނީ ސުވާލުކުރައްވާފައެވެ.
Broadcasting Commission ah @Ch13official ge mi fadha kanthah nufenna nama, fennaan vee Rmajlihah thoa? Vaki bayaku ekani thoa fennanee? pic.twitter.com/W6XLqcriZg
— PPM Waddey (@Lawyer_Waddey) July 9, 2017
ސަރުކާރުގެ މަދަދު ލިބިގެން ހިންގާ މި ޓީވީ ޗެނަލްއިން ކުރީގެ ރައީސް މައުމޫނަށް ހުތުރު އެއްޗެހި ގޮވާ، މަންޒަރުތައް ދެއްކުމުން ސޯޝަލް މީޑިއާގައި އެކަމާ ފާޑުކީ ބައެއް ފަރާތްތަކުން ބުނެފައިވަނީ، ބްރޯޑްކާސްޓިން ކޮމިޝަނަށް އެ މަންޒަރުތައް ނުފެންނާނެކަމަށާއި ފިޔަވަޅެއްވެސް ނާޅާނޭކަމަށެވެ. ފިޔަވަޅު އަޅަން އެނގެނީ ވަކި ޗެނަލްއަކާމެދު ކަމަށް އެފަރާތްތަކުން ވަނީ ބުނެފައެވެ. އަދި މި ކަމަކީ ދުވަހަކުވެސް ބަޔަކު ނުކުރާވަރުގެ ދަށު ދަރަޖައިގެ އަމލެއްގެ ގޮތުގައި ގިނަ ބަޔަކު ވަނީ މިކަން ސިފަކޮށްފައެވެ.
