ކ. ހިންމަފުށީ ގޮނޑުދޮށުގައި އޮތް ދެ ލޯންޗެއްގައި އަލިފާން ރޯވެ، ބޭނުން ނުކުރެވޭވަރަށް އަނދައިފިއެވެ.
ފުލުހުން ބުނީ, ބުރާސްފަތި ދުވަހު އިރުއޮއްސި 6:35ހާއިރު, ހިންމަފުށީގައި އެހެލާފައިވާ ލޯންޗެއްގައި އަލިފާން ރޯވެފައިވާކަމުގެ މައުލޫމާތު ލިބިފައިވާކަމަށެވެ. މިހާދިސާގައި އަލިފާން ރޯވި ލޯންޗާ ޖެހިގެން އޮތް އެހެން ލޯންޗެއްގައިވެސް އަލިފާން ހިފައި ދެ ލޯންޗުވެސް ވަނީ ބޭނުން ކުރެވޭވަރަށް އަނދާފައިކަމަށް ފުލުހުން ބުނެއެވެ.
މިހާދިސާގައި އެއްވެސް މީހަކަށް ގެއްލުމެއް ނުލިބެއެވެ.
Advertisement
ލޯންޗްގައި ރޯވި އަލިފާންގަނޑު މިހާރު ވަނީ ނިއްވާލާފައެވެ. މިހާދިސާ ހިނގަން މެދުވެރި ސަބަބެއް ކަމާބެހޭ އެއްވެސް އިދާރާއަކުން އަދި ހާމަކޮށްފައެއްނުވެއެވެ.
މިހާދިސާ ފުލުހުން ދަނީ ތަހުގީގު ކުރަމުންނެވެ.
