ފާއިތުވި ހަފުތާގައި ކޮވިޑް-19 ޖެހިގެން ދެ މީހުން ނިޔާވެފައިވެއެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުތަކަށް ބަލާއިރު، ރާއްޖެއިން މިބަލީގައި ނިޔާވި މީހުންގެ އަދަދު ވަނީ 311ށް އަރާފައެވެ. އޭގެކުރީ ހަފުތާގައި އެ އަދަދު ހުރީ 309ގައެވެ. އޭގެކުރީ ހަފުތާގައިވެސް އެކަކު ވަނީ ކޮވިޑް ބަލީގައި ނިޔާވެފައެވެ.

ފާއިތުވި ހަފްތާގައި މުޅި ރާއްޖެއިން ކޮވިޑް ޖެހިފައިވަނީ 95 މީހަކަށެވެ. އެއީ މާލެ ސަރަހައްދުން 63 މީހުންނާއި އަތޮޅުތަކުން 7 މީހުންނެވެ. އަދި އެހެނިހެން ހިސާބުތަކުން 25 މީހުންނަށް ބަލި ޖެހިފައިވެއެވެ. ފާއިތުވި ހަފުތާގައި 21 މީހަކަށް ވަނީ ހޮސްޕިޓަލްތަކުގައި އެޑްމިޓްކޮށްގެން ފަރުވާދީފައެވެ.

މިއާއެކު ރާއްޖެއިން ކޮވިޑް-19 ޖެހުނު މީހުންގެ އަދަދު ވަނީ 185،549ށް އަރާފައެވެ.