ޖުމްހޫރީ ޕާޓީގެ ދިދަ އާއި ލޯގޯ ބޭނުން ކުރުން އިލެކްޝަންްސް ކޮމިޝަނުން މަނާކުރުމުން ޖުމްހޫރީ ޕާޓީން ސިވިލް ކޯޓަށް ހުށަހެޅި މައްސަލައިގެ ފުރަތަމަ އަޑުއެހުން ބުދަދުވަހު 13:00 ގައި  ބޭއްވުމަށް ތާވަލްކޮށްފިއެވެ.

ޖުމްހޫރީ ޕާޓީގެ ސްޕޯކްސް ޕާސަން އަލީ ސޯލިހް ވަނީ އެކަން ކަށަވަރު ކޮށްދެއްވާފައެވެ.

މިމަހުގެ 6 ވަނަ ދުވަހު ސިވިލް ކޯޓަށް ވެއްދި އެ މައްސަލާގައި އެދިފައި ވަނީ އިލެކްޝަންސް ކޮމިޝަނުން ޖޭޕީއަށް އަންގާފައިވާ އެންގުމަކީ ބާތިލް އެންގުމެއް ކަމަށް ކަނޑައަޅައިދިނުމަށެވެ.

ހޯމް މިނިސްޓްރީން އާންމުކޮށްފައިވާ، ދިވެހިރާއްޖޭގެ ޤައުމީ ދިދަ ބޭނުންކުރުމުގެ އުސޫލާހަވާލާދީ، ރައީސުލްޖުމްހޫރިއްޔާއަށް ޚާއްސަ ދިދަ އާއިޖޭޕީގެލޯގޯވައްތަރުކަމަށްޤަބޫލުކުރެވޭކަމަށްބުނެ،އިލެކްޝަންސްކޮމިޝަނުންޖުމްހޫރީޕާޓީއަށްއަންގާފައިވަނީ،ޖޫންމަހުގެ 1 ވަނަދުވަހުގެކުރިންއެޕާޓީގެލޯގޯއާއިދިދަބަދަލުކުރުމަށެވެ.

ނަމަވެސް މި އެންގުމަކީ، ޤާނޫނީ ގޮތުން އިލެކްޝަންސް ކޮމިޝަނަށް އެންގޭނެ އެންގުމެއް ކަމަށް ޤަބޫލު ނުކުރާ ކަމަށް ބުނެ، ޖުމްހޫރީ ޕާޓީން ވަނީ 2005 ވަނަ އަހަރުން ފެށިގެން ބޭނުންކުރަމުންދާ އެ ޕާޓީގެ ލޯގޯ އާއި ދިދަ ބަދަލުކުރަން ދެކޮޅު ހަދާފައެވެ.

އިލެކްޝަންސް ކޮމިޝަނުން، ޖުމްހޫރީ ޕާޓީގެ ލޯގޯ އާއި ދިދަ ބޭނުން ކުރުން ހުއްޓާލުމަށް އެންގީ މިމަހުގެ 4 ވީ އާދިއްތަ ދުވަހު އެ ކޮމިޝަނުން ޖުމްހޫރީ ޕާޓީގެ ލީޑަރު ގާސިމް އިބްރާހިމް އަށް ފޮނުއްވި ސިޓީއަކުންނެވެ.

އިލެކްޝަންސް ކޮމިޝަންގެ ސިޓީގައި ޖޭޕީގެ ލޯގޯ އާއި ދިދަ ބަދަލު ކުރުމަށް ފުރުސަތު ދެވިފައި ވީ ނަމަވެސް ޕާޓީގެ ދިދަ އާއި ލޯގޯ ބަދަލު ކޮށްފައި ނުވާކަން ފާހަގަކޮށްފައިވެއެވެ.

އެ އެންގުން ބާތިލް ކޮށް ދިނުމަށްއެދި ސިވިލް ކޯޓަށް ހުށަހަޅާފައިވާއިރު އިލެކްޝަންސް ކޮމިޝަނުން އެޕާޓީގެ ދިދައާއި ލޯގޯ ބޭނުން ކުރަމުންނެއް ނުދެއެވެ.