ގައުމު ތިބާއަށް ކޮށްދެނީ ކޮން ކަމެއްތޯ ނުބަލާ، ތިބާއަށް ގައުމަށް ކޮށްދެވޭނީ ކޮން ކަމެއްތޯ ބަލާށޭ ބުނާ ބުނުމުގެ ރީތިރި މިސާލެކެވެ. ހަނގުރާމައިގެ ސަބަބުން ސުންނާފަތިވެ، އުއްމީދު ފަނޑުވެފައިވާ ލީބިއާގެ ޒުވާނަކު، މިއަދު މުޅި ދުނިޔެ ޝޯހް ކުރުވަމުން ދަނީ އޭނާގެ ފަންނުވެރިކަމުގެ ހުނަރުންނެވެ. ހަނގުރާމައިގެ ސަބަބުން، ކުރެހުމުގެ ފަންނުވެރިކަމަށް މީހުންގެ މެދުގައި ގެއްލެމުން ދިޔަ ސަމާލުކަން ދިރުވާ އާލާކޮށް، ހަނގުރާމަ ނޫން ކަންކަންވެސް ގައުމުގައި ހިނގާކަން ދައްކައިދިނުމުގެ ވަރުގަދަ އަޒުމުގައި ތެދުވެ، އޭނާގެ ނަން ގުގުމާލި ޒުވާނަކީ އުމުރުން 27 އަހަރުގެ އަހުމަދު މަޙްމޫދުއެވެ.
ދުނިޔޭގެ އެކި ކަންކޮޅުތަކުން މަޙްމޫދަށް ސަމާލުކަން ހުއްޓުނީ ސަބަބެއް ނެތިއެއް ނޫނެވެ. މަޙްމޫދަކީ އެއް ފަހަރާ، ތަފާތު 4 ކުރެހުން ކުރަހާލުމުގެ ގާބިލުކަން ލިބިފައިވާ ޒުވާނެކެވެ. ހަތަރެސް ފައިގައި މާކަރު ބަނދެގެން އިނދެ، އެއް ފަހަރާ 4 ތަސްވީރެއް ކުރަހާ ނިންމާލަނީ ބަލަން އިންނަ މީހާ ބަސް ހުއްޓުވާލާހާ ފުރިހަމަކޮށެވެ.
އޭނާގެ ކުރެހުމުގެ ހުނަރު ތަރައްގީ ކުރުމުގެ މަސައްކަތް މަޙްމޫދު ފެށީ، އުމުރުން ޅަ އިރުއެވެ.
އަހަރެން ކުރަހަން ފަށައިފިން ވަރަށް ކުޑަ އިރު. އަހަރެން ކުޑައިރު ބެލި ކާޓޫންތަކާއި އެނިމޭޝަންތަކުގެ ފަރުމާއަށް ޝައުގު އުފެދުނު. އެހެންވެ، އެ ފަރުމާތައް ނަކަލު ކުރަން ފެށީ ކުރަހައިގެން. އެއީ ޔޯގީ ޔޯ ގޭމް ކުޅެންވެގެން. އެއީ ފެށުމަކީއަހުމަދު މަޙްމޫދު؛ ލީބިއާގެ ކުރެހުންތެރިއެއް![]()
ހަނގުރާމަ ވެގެން ދިޔައީ މަޙްމޫދަށް ކުރިމަތިލާން ޖެހުނު ބޮޑު ގޮންޖެހުމަކަށެވެ. ހަނގުރާމައިގެ ސަބަބުން، ކުރެހުމުގެ ފަންނަށް މީހުންގެ މެދުގައި އޮތް ޝައުގު ފަނޑުވަމުން ދިޔަ ނަމަވެސް، އެ ހުރަސް ގިރާ ކުރިއެވެ. ކުރެހުމަކީވެސް އެ ފަންނުގައި ޝައުގު އޮތް ކަމެއް ކަން ސާބިތު ކޮށްދެމުންނެވެ. އެ ދަތުރަކީ އެއްވެސް ހާލެއްގައި މާ ފަސޭހަ ދަތުރެއް ނޫނެވެ. އެތައް ތަކުލީފެއް އުފުލިއެވެ. ބޮޑެތި ގުރުބާނީތަކެއް ވިއެވެ. މިހާރުވެސް ވެއެވެ.
މީހުންނަށް މިކަން ބަލައިގަންނަން ދަތިވުމާއި، ކުރަހަން ބޭނުން ކުރާ ސާމާނު ލިބުމުގެ ދަތިކަމާއި، މި ގައުމުން ކުރެހުމަށް މާ ބޮޑު ސަމާލުކަމެއް ނުދިނުމަކީ އަހަރެންނަށް ކުރިމަތިލާން ޖެހުނު ތަކުލީފުތަކެއް. ކުރަހަން ބޭނުން ކުރާނެ މާ ގިނަ އާލާތްތަކެއް ނުހުރޭ. އެހެންވެ، ހަލުވި ދުވެއްޔެއްގައި އަހަރެންގެ ހުނަރު ތަރައްގީ ކުރާނެ ފުރުސަތެއްވެސް ނުލިބޭ. ލޮޖިސްޓިކްސް ގޮތުން ބެލިއަސް އެއްބާރުލުމެއް ނެތްއަހުމަދު މަޙްމޫދު؛ ލީބިއާގެ ކުރެހުންތެރިއެއް![]()
ވަސީލަތްތަކާއި އާލާތްތައް ލިބުން ދަތިވި ކަމުގައިވީ ނަމަވެސް، މަޙްމޫދު މަސައްކަތް ކުރަނީ މަޑުޖެހުމެއް ނެތި، އޭނާގެ މަސައްކަތައިގެން ކުރިއަށް ދިއުމަށެވެ. އެގޮތުން އޭނާ ވަނީ މަޝްހޫރު ފުޓުބޯޅަ ކުޅުންތެރިންގެ ތަސްވީރުތަކުން ފުޓުބޯޅަ ސްޓޭޑިއަމްގެ ފާރުތައް ފަޅުފިލުވާދީފައެވެ.
އާ ޗެލެންޖުތައް ނަގާ ހިތްވޭ. އާ ކަންތައްތައް ތަޖުރިބާ ކުރާ ހިތްވޭ. އަހަރެން އަދިވެސް މިދަނީ ދަސްކުރަމުން. އަމިއްލަ މީހާ ކުރިއަރުވަން މަސައްކަތް ކުރަމުންއަހުމަދު މަޙްމޫދު؛ ލީބިއާގެ ކުރެހުންތެރިއެއް![]()
ޒުވާން ފަންނުވެރިޔާ މިއަދުވެސް ހުރީ ވަރުގަދަ އަޒުމެއްގައެވެ. މިއަދު އެ ބާވަތްތަކެއްގެ ކުރެހުންތަކަށް މީހުން އަހުލުވެރިވެފައިވާ ގޮތާ ތަފާތު ވައްތަރެއްގެ ކުރެހުމުގެ ފަންނެއް ގެނެސްދިނުމުގެ ފޮނި އުއްމީދުގައެވެ.