ބިސް، ފިޔާ، އަލުއިގެ ފަސް ވަނަ ބެޗް ގެނެސް ހޯލްސޭލް ކުރަން ފަށައިފި އެވެ.

އެސްޓީއޯ އިން ބުނީ، ރަމަޟާން މަހަށް ޚާއްސަކޮށް، ކޮންމެ އަހަރަކު ވެސް ބިހާއި އަލުއި އަދި ފިޔާ ހޯލް ސޭލްކޮށް ވިއްކާ ކަމަށާއި އެގޮތުން ރަމަޟާން މަހަށް ޚާއްސަކޮށް އެންމެ ފުރަތަމަ ބެޗް ގެނެވުނީ، މިދިޔަ މަހުގެ 15 ގައި ކަމަށެވެ. މިދިޔަ މަހު ހަތަރު ބެޗް މިބާވަތްތަކުން ގެނެސްފައިވާ އިރު، މިދިޔަ ބުރާސްފަތި ދުވަހު ގެނެވުނީ، މި މަހުގެ ފުރަތަމަ ބެޗް ކަމަށް އެސްޓީއޯ އިން ބުނެ އެވެ.

އެސްޓީއޯ އިން ބުނީ، ރަމަޟާން މަހަށް ހާއްސަކޮށް ގެންނަ މި ބާވަތްތައް ހޯލްސޭލްކޮށް، އެސްޓީއޯގެ އަތޮޅުތަކުގެ ފިހާރަތަކުން ވެސް ލިބިގެންދާނެ ކަމަށެވެ.

އެސްޓީއޯ އިން ބިސް ކޭހެއް ލިބެން ހުރީ 270ރ. އަށެވެ. ފިޔާ ބަސްދާއެއް 170ރ. އަށް ލިބެން ހުރި އިރު އަލުއި ބަސްދާއެއް ލިބެން ހުރީ 220ރ. އަށެވެ.

އެސްޓީއޯ އިން ބުނީ ހޯލްސޭލް ކުރުން އެއްވެސް ވަރަކަށް މަޑުޖައްސާނުލާ ކަމަށާއި، ތަކެތި ކްލިއަރ ވާވަރުން، ހޯލްސޭލް ކުރަމުންދާ ކަމަށެވެ.